நடிகை மாதவி !

 

திருமணமே வேண்டாம் என்று இருந்த மாதவி.. சாமியார் கை காட்டியவரை திடீரென திருமணம் செய்த அதிசயம்..!

நடிகை மாதவி தனது வாழ்வில் திருமணம் செய்ய வேண்டாம் என்று இருந்ததாகவும் ஆனால் திடீரென 33 வயதில் தனது ஆன்மீக குரு ஒருவர் கை காட்டியவரை திருமணம் செய்து கொண்டதாகவும் அதன் பிறகு அவரது வாழ்க்கை நிம்மதியாக சென்று கொண்டிருப்பதாகவும் கூறப்படுகிறது.

தமிழ், தெலுங்கு மலையாளம் கன்னடம் மற்றும் ஹிந்தி என இந்திய திரையுலகின் முன்னணி நடிகையாக கடந்த 80களில் இருந்தவர் நடிகை மாதவி. தமிழில் இவர் 1980 ஆம் ஆண்டு அறிமுகமானாலும் பாலச்சந்தர் இயக்கத்தில் உருவான ’தில்லுமுல்லு’ திரைப்படம் தான் அவருக்கு திருப்புமுனையை கொடுத்தது. அந்த படத்தில் ரஜினிக்கு ஜோடியாக அவர் நடிப்பில் கலக்கி இருப்பார் என்பது குறிப்பிடத்தக்கது

அதன் பின் ரஜினி ஜோடியாக ’கர்ஜனை’ கமல் ஜோடியாக ’ராஜபார்வை’, ’டிக் டிக்’, ’எல்லாம் இன்பமயம்’ உட்பட பல திரைப்படங்களில் நடித்தார். மேலும் கமல்ஹாசனின் ’சட்டம்’ ரஜினியின் ’தம்பிக்கு எந்த ஊரு’ மீண்டும் கமல்ஹாசனுடன் ’காக்கி சட்டை’, ’மங்கம்மா சபதம்’ மீண்டும் ரஜினியுடன் ’விடுதலை’ உள்ளிட்ட படங்களில் நடித்தார்.

தமிழ் மட்டுமின்றி ஏராளமான தெலுங்கு மற்றும் இந்தி படங்களிலும் நடித்துள்ளார். பல மலையாள படங்களிலும் நடித்துள்ளார்.

நடிகை மாதவி ஆன்மீகத்தில் மிகவும் ஈடுபாட்டுடன் இருப்பார். குறிப்பாக அவர் தனது ஆன்மீக குருவான சுவாமி ராமா என்பவர் மீது அதீத பக்தி வைத்திருந்தார் என்பதும் அவர் என்ன சொன்னாலும் கேட்கும் நிலையில் இருந்தார் என்றும் கூறப்படுகிறது.

இந்த நிலையில் சுவாமி ராமா என்பவரின் சீடர்களில் ஒருவர் தொழிலதிபர் ரால் சர்மா. இவரை மாதவியுடன் சுவாமி ராமா அறிமுகம் செய்ததாகவும் அதன் பிறகு இருவரும் நட்பாக பழகி பின்னர் திருமணம் செய்து கொண்டதாகவும் கூறப்படுகிறது.

திருமணமே வேண்டாம் என்று இருந்த மாதவி திருமணம் செய்வதற்கு அவரது ஆன்மீக குரு சுவாமி ராமா என்பவர் ஒரு முக்கிய காரணம் என்று கூறப்படுகிறது. திருமணத்திற்கு பின் அமெரிக்காவில் செட்டிலாகிவிட்ட மாதவிக்கு 3 மகள்கள் உள்ளனர். அவ்வப்போது அவர் தனது சமூக வலைத்தளத்தில் மகள்களின் புகைப்படங்களை பதிவு செய்து வருவார்.

திருமணத்திற்கு பின் சில படங்களில் நடித்தாலும் சில வருடங்களில் அவர் முழுமையாக திரையுலகில் இருந்து விலகி அமெரிக்காவில் செட்டில் ஆகிவிட்டார் என்பது குறிப்பிடத்தக்கது. தமிழ் திரை உலகில் கமல், ரஜினி உடன் பல படங்களில் நடித்து முன்னணி நடிகையாக இருந்த மாதவிக்கு தற்போது கூட சில வாய்ப்புகள் வந்தாலும் அவர் விடாப்படியாக நடிக்க முடியாது என்று கூறி விட்டார் என்றும் கூறப்படுகிறது.

‘வசந்த மாளிகை’யில் நடிக்க மறுத்த ஜெயலலிதா!?

 

‘வசந்த மாளிகை’யில் நடிக்க மறுத்த ஜெயலலிதா!?

சிவாஜி கணேசனின் பேர் சொல்லும் படங்களில் மறக்க முடியாத ஒன்று ’வசந்த மாளிகை’. ஓல்டு இஸ் கோல்டு என்பதற்கு இந்தப் படம் நூறு சதவிகித கியாரண்டி.

வசூல் ரீதியாகவும் விமர்சன ரீதியாகவும் அந்தக் கால கட்டத்தில் கலக்கிய, காதல் காவியம் இது. சிவாஜியும் வாணிஸ்ரீயும் போட்டிப் போட்டு நடித்திருப்பார்கள்.

இந்தப் படம் தெலுங்கில் நாகேஸ்வர ராவ், வாணிஸ்ரீ நடித்து சூப்பர் ஹிட்டான ’பிரேம நகர்’ படத்தின் ரீமேக்.

கோடூரி கவுசல்யா தேவி அதே பெயரில் எழுதிய நாவலை அடிப்படையாகக் கொண்டு உருவாக்கப்பட்ட இந்தப் படம் தெலுங்கில் சூப்பர் ஹிட்டானது. டி.ராமாநாயுடு தயாரித்திருந்தார்.

அவரே இதை தமிழில் தயாரிக்க, தெலுங்கு படத்தை இயக்கிய கே.எஸ்.பிரகாஷ் ராவ் தமிழிலும் இயக்கினார்.

சிவாஜி, வாணிஸ்ரீயோடு, கே.பாலாஜி, மேஜர் சுந்தர்ராஜன், நாகேஷ், வி.எஸ்.ரங்காராவ், ஸ்ரீகாந்த், செந்தாமரை என பெரிய நட்சத்திரக் கூட்டம் படத்தில்.

ஸ்ரீதர் படங்களின் ஒளிப்பதிவாளர் வின்சென்ட் இதற்கு மிரட்டலாக ஒளிப்பதிவு செய்திருந்தார்.

தமிழ், தெலுங்கு என இரண்டுப் படத்துக்கும் இசை கே.வி.மகாதேவன். ஒவ்வொரு பாடலையும் முத்து முத்தாக கொடுத்திருந்தார்.

ஒரு கிண்ணத்தை ஏந்துகிறேன், குடிமகனே, மயக்கமென்ன, இரண்டு மனம் வேண்டும், யாருக்காக, கலைமகள் கைப்பொருளே... என அனைத்துப் பாடலையும், அதோடு ஒன்ற வைத்த பெருமை இசை அமைப்பாளர் கே.வி.மகாதேவனைச் சேரும்.

பாடல்களை கவியரசர் கண்ணதாசன் எழுதி இருந்தார். பாடல்களின் ஒவ்வொரு வரியையும் ரசித்து, ரசித்து மயங்கலாம் எப்போதும். இப்போது கேட்டாலும் புல்லரிக்க வைக்கிறது, பாடல்கள்.

இந்தப் படத்துக்காக அமைக்கப்பட்ட பிரமாண்ட ஜமீன் பங்களா செட்டும், கண்ணாடியால் அமைக்கப்பட்ட காதல் மாளிகையும் அந்தக் காலத்தில் ரசிகர்களை வியக்க வைத்த அம்சங்கள்.

’வசந்த மாளிகை’யில் ஹீரோயினாக முதன் முதலில் நடிக்க ஒப்பந்தமானது ஜெயலலிதா. ஆனால், அப்போது அவர் தாய் சந்தியா திடீரென காலமானதால், அவரால் நடிக்க இயலாத சூழல்.

இதனால், தெலுங்கில் நடித்த வாணிஸ்ரீயையே தமிழிலும் நடிக்க வைத்தார்கள். ஜெயலலிதா நடித்திருந்தால், இந்தப் படம் இன்னும் அதிக வரவேற்பை பெற்றிருக்கலாம்.

1972-ம் ஆண்டு செப்டம்பர் 29-ம் தேதி ரிலீஸ் ஆன இந்தப் படம், 750 நாட்களுக்கு மேல் ஓடி சாதனை படைத்தது. சென்னையில் ரிலீஸ் ஆன மூன்று தியேட்டர்களில் 271 நாட்கள் ஹவுஸ்புல்லாக ஓடிய படம் இது.

இலங்கையிலும் ஒரு வருடத்துக்கு மேல் ஓடியது என்கிறார்கள். முதலில், கதைப்படி ஹீரோ இறந்துவிடுவது போல வைத்திருந்த கிளைமாக்ஸை, பிறகு உயிர் பிழைப்பது போல மாற்றி ரிலீஸுக்கு பிறகு சேர்த்தார்கள்.

நடிகவேள் எம். ஆர். ராதா !

 

நடிகவேள் எம். ஆர். ராதா அவர்கள் ஒரு நாள் தன்னோட ஒப்பனையாளர் கஜபதியை அழைத்து கையில் கொஞ்சம் பணத்தை கொடுத்து இளங்கோவனைத் தெரியுமா என்று கேட்டார்

நல்லா தெரியும்ணே என்றார் கஜபதி. அப்படியா அந்த பணத்தைக் கொடு என்று கஜபதியிடம் இருந்து பணத்தை வாங்கி தான் ட்ரைவரிடம் கொடுத்து இளங்கோவனிடம் கொடுக்க சொல்லி அனுப்பினார்

கஜபதிக்கு ஒரு மாதிரி ஆகி விட்டது அவரின் முகம் மாறுவதைக் கண்ட எம். ஆர். ராதா என்னையா ஒரு மாதிரி இருக்க என்றார்.

என்னண்ணே நான் கொடுத்துற மாட்டனா அவ்வளவு நம்பிக்கை இல்லையா என்றார் கஜபதி.

அதற்கு எம். ஆர். ராதா இளங்கோவன் எவ்வளவு பெரிய வசனகர்த்தா கொடிகட்டி பறந்தவரு. செட்ல ஒரு வசனத்தை மாத்தணும்னா கூட அவரைத் தேடி போய் அனுமதி வாங்கி தான் மாத்துவாங்க..

அவரு ஓகோன்னு இருக்கிறப்ப நீ பாத்திருக்க அவரை நல்லா தெரியும்னு வேற சொல்ற. இப்ப அவரு நிலைமை சரி இல்லை. அவரு வீட்டை ஜப்தி செய்ய போறாங்களாம். நீ போய் பணம் குடுக்குறப்ப என்ன நினைப்பாரு நம்ம நிலைமை இப்படி ஆயிருச்சேன்னு வருத்தப்படுவார்ல.

அதான் அவருக்கு தெரியாதவங்க மூலம் கொடுத்து அனுப்பிச்சேன். அவரு அவ மரியாதையா நினைக்க கூடாதுல்ல என்று தெளிவு படுத்தினார்.

#செய்யும் செயலில் தெய்வம் தோன்றும்..!!

TR ராஜகுமாரி !

 

TR ராஜகுமாரி !

தமிழத்திரை கனவு கன்னி!

சென்னை தியாகராய நகரில் தன் பெயரிலேயே ஒரு தியேட்டரைக் கட்டினார், ராஜகுமாரி. தமிழ் நடிகைகளில் சொந்தமாகத் தியேட்டர் கட்டிய ஒரே நடிகை ராஜகுமாரி தான். இதை ஜெமினி அதிபர் எஸ்.எஸ்.வாசன் திறந்து வைத்தார்.

தம்பி டி.ஆர்.ராமண்ணாவுடன் சேர்ந்து "ஆர்.ஆர். பிக்சர்ஸ்" என்ற படக் கம்பெனியை ராஜகுமாரி தொடங்கினார். இந்த கம்பெனியின் முதல் படம்

🌹 "வாழப்பிறந்தவள்". அதில் ராஜகுமாரி நடித்தார். ராமண்ணா டைரக்ட் செய்தார். படம் சுமார் ரகம்.

🌹1954_ல் எம்.ஜி.ஆரையும், சிவாஜி கணேசனையும் ஒன்றாக நடிக்கச் செய்து, "கூண்டுக்கிளி" என்ற படத்தைத் தயாரித்தார். இதில் தனக்குப் பொருத்தமான வேடம் இல்லை என்ற காரணத்தால் பி.எஸ்.சரோஜாவையும், குசல குமாரியையும் நடிக்க வைத்தார். ராமண்ணா டைரக்ட் செய்தார்.

இரு மாபெரும் நடிகர்கள் நடித்த இப்படம் படுதோல்வி அடைந்தது. தோல்வியைக் கண்டு துவண்டு விடாது ராஜகுமாரி, அடுத்த படத்தை வெற்றிகரமாகத் தயாரிக்க, தம்பியுடன் தீவிரமாக ஆலோசித்தார்.

🌹"குலேபகாவலி" கதையை மசாலாப்படமாகத் தயாரிக்க முடிவு செய்தனர். எம்.ஜி.ஆர். கதாநாயகன். அவருக்கு மூன்று ஜோடிகள். அவர்களில் ஒருவராக ராஜகுமாரி நடித்தார். படம் பெரிய வெற்றி பெற்று, வசூலைக் குவித்தது.

பாகவதர், சின்னப்பா, மகாலிங்கம், எம்.ஜி.ஆர். என்ற நான்கு சூப்பர் ஸ்டார்களுடன் நடித்த ராஜகுமாரி, சிவாஜி கணேசனுடன் "தங்கப்பதுமை"யில் சேர்ந்து நடித்தார்.

ஐந்து சூப்பர் ஸ்டார்களுடன் இணைந்து நடித்தவர் என்ற பெருமை முதன் முதலாக ராஜகுமாரிக்குக் கிடைத்தது. பின்னர் இந்த பெருமையை பி.பானுமதி பெற்றார்.

1963_ல் "வானம்பாடி" படத்தில் ராஜகுமாரி நடித்தார். அதுவே அவருடைய கடைசி படம். அதன்பின் படங்களில் நடிக்கவில்லை.

.

. தி.நகரில் உள்ள தன் வீட்டில் ராஜகுமாரி தன் வாழ்க்கையின் பின்பகுதியை அமைதியாகக் கழித்தார். விழாக்களில் கலந்து கொள்வதில்லை. பத்திரிகையாளர்களை சந்திப்பதில்லை.

காலப்போக்கில், தன்னுடைய "ராஜகுமாரி" தியேட்டரை விலைக்கு விற்று விட்டார். அது பலருடைய கை மாறி, பின்னர் இடிக்கப்பட்டு, இப்போது வணிக வளாகமாகக் காட்சி அளிக்கிறது.

திருமணம் செய்து கொள்ளாமல் வாழ்ந்த ராஜகுமாரி 20_9_1999_ல் தமது 77_வது வயதில் காலமானார்.

ஸ்ரீநிவாஸ்......

உலகம் சுற்றும் வாலிபன் !

*'மேலே ஆகாயம் கீழே பூமி' இதுதான் உலகம் சுற்றும் வாலிபன் படத்துக்கு புரட்சித்தலைவர் எம்ஜிஆர் வைத்த முதல் டைட்டில் .

உலகம் சுற்றும் வாலிபன் பெரும் நெருப்பாறு களைக் கடந்து திரையைக் கண்ட ஒரே இந்தியத் திரைப்படம் உலகம் சுற்றும் வாலிபன் வேறு எந்த ஒரு மாநிலமொழி படத்துக்கும் இப்படி ஒரு முட்டு க் கட்டை கிடையாது திரும்பிய திசைகளி லெல்லாம் நெருக்கடி பெற்ற படம் .

 படத்தை திரையிடும் முயற்சியில் இறங்கும் பொழுது டப்பிங் மிக்சிங் ரீ ரிக்கார்டிங் பிரிண்ட் போடுதல் என எந்த பணிகளில் எப்போது எம்ஜிஆர் ஈடுபட்டாலும் மின்சாரம் அறவே இருக்காது எம்ஜிஆருக்கு எப்படி எல்லாம் தொல்லை தரலாம் என்பதில் முழு கவனம் செலுத்தியது கருணாநிதி யின் ஆளுங்கட்சி மேலும் சுவரொட்டிகளின் வரியை உயர்த்தியது.

படம் வெளியான அன்று சென்னையிலே மின் வினியோகம் இல்லை இனிமேலும் மின் விநியோகம் அறவே வராது என்ற நிலைமையை புரிந்த தேவிபாரடைஸ் சொந்தக்காரர்கள் சக்தி மிக்க ஜெனரேட்டரை வைத்து திரையில் உலகம் சுற்றும் வாலிபனை திரையிட்டு காட்டினார்கள்.

*'மேலே ஆகாயம் கீழே பூமி' இதுதான் உலகம் சுற்றும் வாலிபன் படத்துக்கு புரட்சித்தலைவர் எம்ஜிஆர் வைத்த முதல் டைட்டில் .

அயல்நாட்டு படப்பிடிப்புக்கு அதிகம்பேர் அரசாங்கம் அனுமதிக்கவில்லை. புரட்சித் தலைவர் எம்.ஜி.ஆர், விஎன் ஜானகி அம்மையார், ஆர் எம் வீரப்பன், மஞ்சுளா ,சந்திரகலா, லதா ,அசோகன், நாகேஷ், ஒளிப்பதிவாளர் ராம மூர்த்தி,  இயக்குனர் பா .நீலகண்டன் , வசனகர்த்தா கே.சொர்ணம் நடன இயக்குனர் கோபால கிருஷ்ணன் போன்ற முக்கிய மானவர்கள் மட்டுமே அனுமதிக்கப்பட்டனர் .

*உலகம் சுற்றும் வாலிபன் படத்திற்கு முதலில் இசை அமைப்பாளராக நியமிக்கப்பட்டவர் குன்னக்குடி வைத்தியநாதன் அவர்கள் .பின்னர் எம்.எஸ்.வி இசை அமைப்பாளர் ஆனார்.

*உலகம் சுற்றும் வாலிபன் வட ஆற்காடு தென் ஆற்காடு செங்கல்பட்டு ஆகிய பகுதிகளுக்கான வினியோக ஒப்பந்தம் முதன்முதலாக ஏவிஎம் மெய்யப்ப செட்டியாரோடு கையெழுத்தாகியது .

*பட்டிக்காட்டு பொன்னையா இயக்குனர் பி எஸ் ரங்கா அவர்களின் உதவியாளர் ஹரி அவர்கள் எக்ஸ்போவில் படம் எடுப்பதற்கு புரட்சித் தலைவர் எம்ஜிஆர் அவர்களுக்கு உதவியாக இருந்திருக்கிறார் .

*முப்பத்து ஆறாயிரம் பல்புகளில் வெளித்தோற்றத்தில் சுவிஸ் பெவிலியனில் எம்ஜிஆரும் சந்திரகலாவும் ஆடிப்பாடும் நிகழ்ச்சிக்கு விசேஷஅனுமதி வழங்க ப்பட்டது.எக்ஸ்போ 70 கண்காட்சியில் மொத்தம் நான்கு நாட்கள் படப்பிடிப்பு நடந்தது .

*காமபுரா புத்தர் சன்னதி ஜப்பானின் புகழ்பெற்ற புராதான கோவில் அங்கு வீற்றிருக்கும் பிரம்மாண்ட சித்தார்த்தர் சிலைக்கு அருகில் எம்ஜிஆர் புத்தி தெளிந்து அவர் பைத்தியமாக தோன்றும் காட்சியை எடுத்தனர் .

*லில்லி மலருக்கு கொண்டாட்டம் என்ற பாடலில் எம்ஜிஆர் மஞ்சுளா கப் அண்ட் சாசரில் தோன்றும் காட்சி நாராவில் டரீம் லேண்டில் எடுக்கப்பட்டது

.

*அன்னப்பட்சி போன்ற சிறிய கப்பலில் எடுக்கப்பட்ட பன்சாயி பாடல் காட்சி டோக்கியோவில் உள்ள யுமூரிலேண்டில் எடுக்கப்பட்டது .

*டால்ஃபின் ஷோ மற்றும் தீ வளையத்தில் நாய் மற்றும் புலிகள் தாவும் காட்சியை மக்கள் ரசித்துக் கொண்டிருக்கும்போதே புரட்சித் தலைவர் எம்ஜிஆர் அவர்கள் நேரடியாக படமாக்கினார்.

*லதாவின் முதுகில் அசோகன் துப்பாக்கியை நீட்டியவாறு பின்தொடரும் சீன் டோக்கியோவில் பரபரப்பான கின்சா அங்காடித்தெருவில் எடுக்கப்பட்டது .

*நிலவு ஒரு பெண்ணாகி பாடல் ஹாங்காங்கில் உள்ள பெல்ஸ் கடற்கரை யில்படமாக்கப்பட்டது .

*குழந்தைகளோடு எம்ஜிஆர் லதா பங்கேற்கும் சிக்குமங்கு பாடல்டைகர் பார்ம் கார்டனில் படமாக்கப்பட்டது .

*ஹாங்காங்கின் இந்திய வம்சாவளி

மிஸ்டர் ஹரி லீலாவின் விசைப்படகில் தங்கத் தோணியிலே பாடல் எடுக்கப்பட்டது .

தங்கத் தோணியிலே பாடல் கே.ஜே.யேசுதாஸ் எம்ஜிஆருக்காக பாடிய முதல் பாடல் .

*புரட்சித்தலைவர் எம்ஜிஆர் உடன் சேர்ந்து பச்சைக்கிளி முத்துச்சரம் பாடலில் நடித்த தாய்லாந்து நடிகை மேட்டா ரூங்ராத் தமிழ் சினிமாவில் இடம் பெற்ற முதல் வெளிநாட்டு நடிகை ஆவார்.அந்த பெருமை எம்.ஜி.ஆரையே சாரும்.

*அவள் ஒரு நவரச நாடகம் பாடல் காட்சி சில மேட்சிங் ஷாட்டுகளை சத்யா ஸ்டுடியோவில் பிரம்மாண்டமான நீச்சல் தொட்டியில் எடுக்கப்பட்டது...

சென்னை தேவிபாரடைஸில்

தொடர்ந்து 225 காட்சிகள்

மதுரை மீனாட்சியில்

தொடர்ந்து சுமார் 300 காட்சிகள்

அரங்கு நிறைந்த காட்சிகளாக, திரையரங்கில் ஓடியது... உலக திரைப்படத் துறையில் இனியும் யாரும், எவரும் நெருங்க முடியாத, நினைத்து பார்க்க முடியாத பிரம்மாண்டமான சரித்திரம் படைத்த, சகாப்தம் உருவாக்கிய சாதனையின் உச்சம் பெற்ற வெற்றி எது தெரியுமா???!!! 

சென்னை நகரில் சுவரொட்டிகள் (Wall Posters) ஒட்டப்படாமலேயே வெள்ளிவிழா கொண்டாடிய அபூர்வமான, பேரற்புதமான, ஆச்சரியமான, விசித்திரமான இணையே இல்லாத அட்டகாச வெற்றி பெற்றது மிகவும் குறிப்பிட தக்கதாகும்.....

பூர்வீக கிராமத்தை கைவிட்ட கார்த்திக்: முத்துராமன்

 

பூர்வீக கிராமத்தை கைவிட்ட கார்த்திக்: முத்துராமனும் போகாதது ஏன் தெரியுமா?

1956-ம் ஆண்டு சிவாஜி நடிப்பில் வெளியான ரங்கோன் ராதா என்ற படத்தின் மூலம் சினிமாவில் அறிமகமானார் நடிகர் முத்துராமன்

தமிழ் சினிமாவில் வாரிசு நடிகராக அறிமுகமாக தனக்கென தனி ரசிகர்கள் பட்டாளத்தை ஏற்படுத்தி வைத்துள்ள நடிகர் கார்த்திக், சொந்த கிராமம், தஞ்சை மாவட்டம் ஒரத்தநாடு அருகே உள்ளது என்பது பலரும் அறியாத ஒரு தகவல்.

1981-ம் ஆண்டு பாரதிராஜா இயக்கத்தில் வெளியான அலைகள் ஓய்வதில்லை என்ற படத்தின் மூலம் தமிழ் சினிமாவில் நாயகனாக அறிமுகமானவர் கார்த்திக். இந்த படத்திற்கு பின் மணிரத்னம் உள்ளிட்ட பல முன்னணி இயக்குனர்களில் இயக்கத்தில் பல வெற்றிப்படங்களை கொடுத்த கார்த்திக், தற்போது தமிழ் சினிமாவில் முக்கியத்துவம் வாய்ந்த கேரக்டரில் நடித்து வருகிறார்.

அந்த வகையில் சமீபத்தில் வெளியான, பிரஷாந்தின் அந்தகன் படத்தில் நடிகர் கார்த்திக் கேரக்டரிலேயே நடித்திருந்தார். இந்த படம் வெற்றிப்படமாக அமைந்தது. க்ளாசிக் சினிமாவில் முன்னணி நடிகர்களில் ஒருவராக திகழ்ந்த நடிகர் முத்துராமனின் மகனான கார்த்திக்கின் சொந்த ஊர் தஞ்சை மாவட்டம் ஒரத்தநாடு அருகே உள்ள, ஒக்கநாடு மேலையூர் என்ற கிராமம் தான். கார்த்திக் தந்தை முத்துராமன் இந்த ஊரில் தான் பிறந்துள்ளார்.

முத்துராமனின் உறவினர்கள் பலரும் இப்போது இந்த ஊரில் வாழ்ந்து வருகின்றனர். ராதாகிருஷ்ணன் ரத்னாவதி தம்பதிக்கு 1929-ம் ஆண்டு மூத்த மகனாக பிறந்தவர் தான் முத்துராமன். நாடக நடிகராக தனது வாழ்க்கையை தொடங்கிய முத்துராமன், 1956-ம் ஆண்டு சிவாஜி நடிப்பில் வெளியான ரங்கோன் ராதா என்ற படத்தின் மூலம் சினிமாவில் அறிமகமானார். எம்.ஜி.ஆர் சிவாஜி, ஜெயலலிதா ஆகியோருடன் நடித்துள்ள முத்துராமன், ஹீரோவாக பல வெற்றிப்படங்களை கொடுத்துள்ளார்.

இவருடன் பிறந்தவர்கள் 2 சகோதரர்கள், ஒரு சகோதரி. சகோதரி தங்கள் சொந்த கிராமத்திற்கு அருகில் உள்ள ஒரு கிராமத்தில் திருமணம் செய்துகொண்டார். சகோதரர்கள் இருவரும் அக்கா தங்கை இருவரை திருமணம் செய்துகொணடனர். முத்துராமன் உயிருடன் இந்த காலக்கட்டத்தில் அவர் தனது சொந்த ஊருக்கு யாரையாவது பார்க்க சென்றால் விடமாட்டார்களாம். கோவில் கும்பாவிஷேகத்தின்போது கோவில் கலசத்தில் கழற்றிப்போட்ட மோதிரத்தை முத்துராமன் திரும்ப வாங்கிக்கொண்டு சென்றுவிட்டதை இந்த ஊர்க்காரர்கள் குற்றமாக எடுத்துக்கொண்டதே இதற்கு காரணமாம்.

கிராமத்தில் இருந்த முத்துராமனின் வீடு நிலம் என் அனைத்தையும் விட்டுவிட்டார்களாம். முத்துராமன் உறவனர் முறையான ஒரு பாட்டி இந்த ஊரில் இருப்பதாகவும், முத்துராமனின் வீடு இருந்த இடம் தற்போது தரைமட்டமாக உள்ளதாகவும், இந்த ஊர் கோவில் கும்பாவிஷேகத்திற்கு முத்துராமன் வந்துள்ளார். ஆனால் அவரது மகன் கார்த்திக் மற்றும் பேரன்கள் யாருமே இந்த ஊர் பக்கமே வந்தது இல்லையாம். கார்த்திக்கின் உறவினர் ஒருவர் சொந்த கிராமத்திற்கு வருமாறு அழைப்பு விடுத்தபோது கண்டிப்பாக வருகிறேன் என்று சொன்னாராம் கார்த்திக். இந்த தகவல் பிரேக்கிங் வோல்க்ஸ் யூடியூப் சேனலில் வெளியாகியுள்ளது.

ஸ்ரீவித்யா! கமல்ஹாசனும் நானும் காதலித்தோம். அது அவ்வளவு பெரிய ரகசியமில்லை !

 ஒருமுறை கமல்ஹாசனுக்கும் தனக்குமான காதலை உணர்ச்சி வெள்ளமாக மலையாளப் பேட்டியொன்றில் பகிர்ந்திருந்தார் நடிகை ஸ்ரீவித்யா ... அதில் கமல்ஹாசனும் நானும் காதலித்தோம். அது அவ்வளவு பெரிய ரகசியமில்லை. திரைத்துறையில் அனைவருக்குமே தெரியும். கமலுடைய தந்தையாருக்கு என் மீது அதிக அன்பிருந்தது. நாங்கள் திருமணம் செய்து கொல்ல வேண்டும் என்று அனைவரும் விரும்பினார்கள்.

ஆனால் சில வருடங்கள் காத்திருக்கும்படி கமல்ஹாசனிடம் என் அம்மா வேண்டுகோள் விடுத்தார்.''' உங்கள் இருவருக்கும் 21 வயதுதான் ஆகிறது. கமல் மகா நடிகனாக ஆக வேண்டியவன். ஸ்ரீவித்யாவும் அப்படியே. திரைத்துறையில் நீங்கள் அடைய வேண்டிய உயரம், போக வேண்டிய தூரம் அதிகம். அப்படி பெரிய நடிகர்களாக ஆகையில் உங்கள் இருவருக்குமே வேறு வேறு ஆட்கள் மீது காதல் வரலாம். ஒரு நான்கைந்து வருடங்கள் காத்திருங்கள். அதன் பின்னரும் காதல் இருந்தால் திருமணம் செய்து கொள்ளுங்கள்'''' என்று கமல்ஹாசனிடம் அம்மா அறிவுறுத்தினார்.

ஆனால் கமலுக்கு அதில் விருப்பமில்லை. நானோ என் தாயார் பேச்சை மீர விரும்பவில்லை. இதனால் கமலுக்கு என் மீது கடும் ஆத்திரம் ஏற்பட்டது. என்னிடம் பேசுவதை நிறுத்திவிட்டார். சிறிது காலத்திலேயே அவர் இன்னொரு பெண்ணை திருமணம் செய்துகொண்டார். நிறைவேறாத என் காதலை எண்ணி நான் மிகவும் காயமடைந்துவிட்டேன். என்னை விட அந்தப் பெண்ணிடம் அப்படி என்ன சிறப்பு இருக்கிறது ? நான் எதில் குறைந்தேன் ? என்றெல்லாம் நினைத்து தீரா வலியில் விழுந்தேன். அந்த வலியில்தான், எதையும் யோசிக்காமல், என்னை விரும்புகிறேன் என்று சொன்ன ஒருவரை (மலையாளத் தயாரிப்பாளர் ஜார்ஜ்) எதையுமே யோசிக்காமல் திருமணம் செய்தேன். அந்த திருமணமும் தோல்வியடைந்தது'''' என்று கூறிஇருந்தார்.

- பாட்ஷா 2 - இனி இல்லவே இல்லை! ரஜினி !

 

      "அந்த உயரத்திற்கு வாசல் வரை வந்து என் இனோவா கதவை திறக்க வேண்டியதில்லை. வந்தார் திறந்தார். படியிறங்க கைத்தாங்கினார்.

நான்கு வருடங்கள் கழித்த சந்திப்பு. இனிமையாய் முடிந்தது. இதுதான் அழகு.”

அந்த அழகிய நட்பு 2018 மே மாதத்தில் ஒரு நாள் முடிவுக்கு வந்தது. பாலகுமாரன் மறைந்து போனார்.

ஆம். இதே மே 15 ல்தான் பாலகுமாரன் இந்த பூமியை விட்டு புறப்பட்டு போனார்.

அவரது இறுதி காலம் முழுவதும் ஆன்மீக அமைதியில் கரைந்து அப்படியே ஆகாயத்தில் கலந்து போனார்.

தன் படங்களுக்கு வசனம் எழுத பாலகுமாரனைப் போல இன்னொருவர் வர இனி வாய்ப்பே இல்லை என ரஜினியே நினைக்கும் அளவுக்கு தனக்கென ஒரு தனி இடத்தை ஏற்படுத்தி விட்டு போய் விட்டார் பாலகுமாரன்.

அந்த இடம் இனி என்றென்றும் நிரந்தர காலி இடமாகவே ரஜினியின் வாழ்வில் இருக்கும்.

ஈடு சொல்ல முடியாத சிறப்போடு நடந்து முடிந்தது இந்த உலகத்தில் எழுத்தாளர் பாலகுமாரனின் வாழ்க்கைப் பயணம்.

ஆம். இதுதான் அழகு.

நடிகை காஞ்சனா அவர்கள்!

 

'விமான பணிப்பெண்ணாக இருந்த என்னை இயக்குனர் ஸ்ரீதர் அவர் இயக்கிய 'காதலிக்க நேரமில்லை' படத்தில் கதாநாயகியாக நடிக்க வைத்தார். என்னை தற்போது வரை பலருக்கும் காஞ்சனா என்று தான் தெரியும். ஆனால் என்னுடைய உண்மையான பெயர் வசுந்தரா தேவி. நடிகை வைஜெந்தி மாலாவின் தாயாரும் அதே பெயரில் நடித்துக்கொண்டு இருந்ததால் எனது பெயரை காஞ்சனா என ஸ்ரீதர் மாற்றினார்.

1964-ல் அந்த படம் வெளியான பிறது, தமிழ், தெலுங்கு, கன்னடம் ஆகிய மொழிகளில் படவாய்ப்புகள் குவிந்தது. 46 ஆண்டுகள் ஓய்வே இல்லாமல் நடித்தேன். சம்பாதித்த பணத்தில் சென்னை தியாகராயநகரில் சொத்துக்கள் வாங்கி போட்டு இருந்தேன். அந்த சொத்துகளை எனது உறவினர்கள் என்னை எம்மாற்றி அபகரித்துக் கொண்டனர். அவற்றை மீட்க கோர்ட்டு வழக்கு என்று பெற்றோருடன் அலைந்தேன். சொத்துக்கள் மீண்டும் கிடைத்தால் திருப்பது வெங்கடாஜலபதுக்கு எழுதி வைப்பதாக வேண்டி கொண்டிருந்தேன்.

ஆண்டவன் அருளால் வழக்கில் வென்று சொத்துக்கள் மீண்டும் என்னுடைய கையுக்கு வந்தது. இதனால் நான் வேண்டிக்கொண்ட படி, 80 கோடி மதிப்புள்ள சொத்துகளை ஏழுமலையானுக்கு எழுதி வைத்துவிட்டேன். நான் திரைப்படத்தில் ஓய்வு இல்லாமல் நடித்து கொண்டிருந்ததால், எனக்கு திருமணம் செய்து வைக்க வேண்டும் என்பதையே என் பெற்றோர் மறந்து விட்டனர். நானும் திருமணம் செய்து கொள்ளமல்லேயே இருந்து விட்டேன்.

இப்போது என்னுடைய தங்கை ஆதரவில் இருக்கிறேன். நான் வருமானம் இல்லாமல் கஷ்டப்படுவதாக வெளியான தகவலில் உண்மை இல்லை . எனது தங்கை என்னை நன்றாக பார்த்து கொள்கிறார்.

தற்போது என்னுடைய கவனம் முழுவதையும் ஆன்மீக ஈடுபாடுகளில் காட்டி வருகிறேன். தினமும் காலையில் எழுந்து ஏழுமலையான் தரிசனம், யோகா என என்னை புத்துணர்ச்சியாக வைத்திருக்கிறேன். கடவுளிடம் இன்னொரு பிறவி மட்டும் வேண்டாம் என வேண்டி கொள்கிறேன் என காஞ்சனா தன்னை பற்றி தெரிவித்துள்ளார்.'