மதுரை சிம்மக்கல் கோனார் கடை கறி தோசை !

• மதுரையில் 80 வருடத்துக்கு மேல் பாரம்பரியத்துடன் இயங்கி வரும் சிம்மக்கல் கோனார் கடையில் கிடைக்கும் கறி தோசை பிரசித்தி பெற்று விளங்குகிறது.

• மதுரை என்று சொன்னாலே கோயில்களின் நகரம். கோவில்களுக்கு அடுத்தபடியாக மதுரைக்கு புகழ் தேடித்தருபவை இங்கு கிடைக்ககூடிய வகை வகையான உணவுகள் மற்றும் இங்குள்ள உணவகங்கள்.
• மதுரையில் பல்வேறு உணவகங்கள் பிரபலமாக திகழ்ந்து வருகின்றன
• அந்த வகையில் 1943ம் ஆண்டு தொடங்கப்பட்டு, 82 ஆண்டுகளாக மதுரையில் இயங்கி வரும் பிரபல உணவகம் தான் சிம்மக்கல் கோனார் கடை.
• மதுரையில் அனைவருக்கும் பிடித்தமான உணவுகளில் கறி தோசையும் ஒன்று.. முட்டை மற்றும் சால்னா கலக்கபட்ட தோசை மாவின் மேல் மட்டன் அல்லது சிக்கன் கொண்டு நிரப்பப்பட்டு சுடப்படும் இந்த தோசையின் சுவைக்கு பலரும் அடிமை என்றே கூறலாம்.

• மதுரை ஹோட்டல்களில் தோசைகளில் விதவிதமான வகைகளை அவ்வப்போது அறிமுகம் செய்து உணவுப் பிரியர்களை அசத்துகிறார்கள்.
• அப்படி ஒரு காலகட்டத்தில் மதுரை ‘கறி’ தோசை உணவுப் பிரியர்களிடையே பிரபலமானது
• அந்த வகையில் இன்று மதுரையின் மூலை முடுக்குகள் எங்கும் விற்கப்படும் இந்த கறி தோசை முதன் முதலில் தயார் செய்யப்பட்டு விற்பனை செய்யப்பட்டது இந்த சிம்மக்கல் கோனார் கடை உணவகத்தில் தான்.
• இன்றும் மதுரையில் இவர்களது கறி தோசைக்கென்று தனி ரசிகர் கூட்டமே உள்ளது.
• ஆரம்பத்தில் ஆட்டுக்கால் சூப் கடையாக மட்டும் தொடங்கி இன்று மட்டன் உணவுகளில் பட்டையை கிளப்பிக் கொண்டிருக்கிறது.
• அழகான சைஸில், அதிகப்படியான சுவையில் இங்கு கிடைக்கும் கறிதோசை அசத்தலானது.
• கோனார் கடை என்று மக்கள் தான் இந்த கடைக்கு பெயர் கொடுத்ததாக சொல்லப்படுகிறது.
• மதுரையில் ருசித்து பார்க்கவேண்டிய உணவுகளில் மதுரை சிம்மக்கல் கோனார் கடை கறி தோசையும் ஒன்று!