பிரம்மபுத்திராவை காவேரி மற்றும் கோதாவரியுடன் இணைப்பதன் மூலம், அடுத்த 100 ஆண்டுகளுக்கான இந்தியாவின் தண்ணீர் பற்றாக்குறையைத் தீர்க்க முடியும் என்று அமித் ஷா கூறுகிறார்.
சிலர்:
இந்தியா முழுவதும் நதி நீர் இணைப்புனு சொல்லி வடை சுட்டு ரொம்ப நாளாவுது.... மக்கள் மறந்து இருப்பாங்க.... வடையை திருப்பி சுடுங்க ஜி...... எவன் நம்மல கேப்பான்
நான்:
சம்மந்தப்பட்ட மாநில அரசுகள் கைகோர்த்து செயல்படாமல் திட்டம் நிறைவேற்றுவது இயலாத காரியமாகும்
கல்யாண வீட்டில் கலாட்டா... கே.பி.சுந்தராம்பாளைப் புகழ்ந்த ஜெமினிகணேசன்
கொடுமுடி கோகுலம் என்று அழைக்கப்பட்டவர் பழம்பெரும் நடிகை கே.பி.சுந்தராம்பாள். அவர் மீது நடிகர் ஜெமினிகணேசனுக்கு மிகப்பெரிய மரியாதை இருந்தது. அவரோடு எனக்கு நெருக்கமாகப் பழகக்கூடிய வாய்ப்பு கிடைத்தது. என்னை ஒரு பிள்ளை மாதிரிதான் என்னை அவங்க நடத்துனாங்க. ஒரு திருமண விழாவில் நாங்க இருவரும் கலந்து கொண்டோம்.
கே.பி.சுந்தராம்பாளும் அந்த திருமண விழாவில் அடி எடுத்து வைத்த உடன் அங்கு பாடல்கள் எல்லாம் ஒலிபரப்பிக் கொண்டு இருந்தன. ஒருவர் கேபி.சுந்தராம்பாளின் பாட்டை எடுத்துப் போட்டார். அந்தப் பாட்டைப் போட்டதுதான் தாமதம். மிகுந்த கோபத்துடன் அந்த மைக் செட் காரரிடம் போன கே.பி.சுந்தராம்பாள் முதல்ல அந்தப் பாட்டை நிறுத்துறீயான்னு கேட்டார். அந்த மைக் செட் காரருக்கு ஒண்ணும் புரியல.
அம்மா இது நீங்க பாடுன பாட்டுதான் என்றார். அதற்கு நான் பாடுன பாட்டு தான். அதுக்குக் கல்யாண வீட்டுல என்ன பாட்டைப் போடுறது? இந்தப் பாட்டு ஜவகர்லால் நேரு மறைந்தபோது பண்டிதர் நேருவை நாம் பறிகொடுத்து விட்டோமேன்னு நான் பாடுன பாட்டு. அந்தப் பாட்டைக் கல்யாண வீட்ல யாராவது போடுவாங்களா?
முதல்ல அந்தப் பாட்டை நிறுத்து. மங்களகரமான ஒரு பாட்டைப் போடப்பா என்றார். தான் பாடுன பாட்டைத்தான் அந்த மைக் செட் காரர் போட்டுருக்கார் என்று எளிதில் அதைக் கடந்து போகவில்லை. அதுதான் கேபி.சுந்தராம்பாள் என்று ஒரு பத்திரிகை பேட்டியில் ஜெமினிகணேசன் பதிவு செய்துள்ளார்.
வாழை இலை பரோட்டா
பல முக்கியமான நடிகர்கள் தங்களது திரைவாழ்க்கையில் பெரிய பொருளாதார வீழ்ச்சியை சந்தித்தனர். அதெல்லாம் அவர்கள் திரைப்படங்களைத் தயாரிக்க ஆரம்பித்ததுக்குப் பின்னால்தான் நடந்தது என்று குறிப்பிடுகின்றனர். அவர்கள் மிக முக்கியமாக சுட்டிக்காட்டுவது ஒரு காலகட்டத்துல ஓகோ என்று இருந்த டிஆர்.மகாலிங்கத்தைப் பற்றித்தான்.
அவர் பிரபலமான கதாநாயகனாக ஒரு காலகட்டத்துல நடித்துக் கொண்டு இருந்தார். அப்போதுதான் நாம ஏன் சொந்தப்படம் ஆரம்பிக்கக்கூடாது என்கிற எண்ணம் அவருக்குத் தோன்றியது. உடனே தன்னோட மகன் சுகுமார் பேருல சுகுமார் புரொடக்ஷன்ஸ் என்ற ஒரு நிறுவனத்தைத் தொடங்கினார். மச்ச ரேகா, மோகன சுந்தரம், சின்னத்துரை, விளையாட்டுப்பிள்ளை ஆகிய 4 படங்களைத் தயாரித்தார்.
அதற்குப் பின்னால் செல்வ செழிப்பிலே இருந்த அவர் வறுமையின் கோரப்பிடியில் சிக்கித் தவித்தார் என்பதுதான் உண்மை. மனைவியின் கழுத்தில் இருந்த தாலியைக் கூட அடமானம் வைக்கக் கூடிய சூழல் தான் அவருக்கு இருந்தது. கையில பணம் இருந்தது. தயாரிப்பாளர் என்ற அந்தஸ்து இருந்தது.
எனக்கு தலை கால் புரியல. வீண் செலவிலே பணம் கரையத் தொடங்கியது. 12 கார்களில் பெட்ரோலைத் தண்ணீர் மாதிரி போட்டுப் பறந்து கொண்டு இருந்தேன். எல்லா ஓட்டல்களிலும் அறைகள் என்னோட பேர்ல புக்காகி இருந்தன. இதுல மிகப்பெரிய சோகம் என்னன்னா நான் படத்தயாரிப்பாளர் ஆன உடனே, நான் தான் தயாரிப்பாளர் ஆகிட்டேனே என்று பல தயாரிப்பாளர்கள் தன்னோட படங்களுக்கு என்னை ஒப்பந்தம் செய்வதை நிறுத்தி விட்டார்கள்.
இப்படி நான் இழந்த செல்வத்தை எல்லாம் எனக்கு மீட்டுக் கொடுத்ததுன்னா அது என்னோட மாமனார்தான். அவர் இல்லன்னா என்னோட வாழ்க்கை எப்படி திசை மாறி இருக்கும் என்று என்னால சொல்ல முடியாது என ஒரு பத்திரிகை பேட்டியிலே பதிவு செய்துள்ளார் டிஆர்.மகாலிங்கம்.
1976ல் தமிழ்த்திரை உலகில் காலடி எடுத்து வைத்தார் இசைஞானி இளையராஜா. 1980ல் அவர் இசை அமைத்த 100வது படம் மூடுபனி.
1987ல் அவர் இசை அமைத்த நாயகன் 400வது படம்.
1990ல் வெளியான அஞ்சலி அவருக்கு 500வது படம்.
1994ல் ராசையா அவருக்கு 700வது படம்.
2011ல் வெளியான தாரை தப்பட்டை தான் அவரது 1000மாவது படம்.
இது மட்டுமா...? இது போக பூஜை போட்டு கைவிடப்பட்ட படங்கள் நூற்றுக்கணக்கில் உள்ளன. சில பொருளாதார பிரச்சனையால் ரிலீஸ் ஆகாமலும் உள்ளன. அந்த வகையில் 1000 படங்கள், 7000 பாடல்கள், 1000 படங்களின் பின்னணி இசை, ஒரு படத்துக்கு 2.30 மணி நேரம் என்றால் கணக்குப் போட்டுக் கொள்ளுங்கள்.
தலை சுற்றுகிறதல்லவா? இத்தனைக்கும் அப்போது எல்லாம் லைவ் ஆர்க்கெஸ்ட்ரா தான். கணினி மயம் கிடையாது. அந்தவகையில் சூப்பர்ஹிட்டான பல பாடல்களைக் கொடுத்தவர் இளையராஜா என்றால் மிகையில்லை.
இந்தப் பொங்கலையொட்டி ஜனவரி 17ல் நெல்லையில் இசைக்கச்சேரியை நடத்தினார். இந்த மாதம் 26ம் தேதி லண்டன் சென்று சிம்பொனியை இசைக்க உள்ளார். 1976 முதல் இன்று வரை கிட்டத்தட்ட 49 ஆண்டுகள் திரைப்பயணம் செய்து வருகிறார்.
83 வயதிலும் கூட இளையராஜா இன்னும் சோர்வே இல்லாமல் சுறுசுறுப்பாக இசை அமைத்து வருகிறார் என்றால் ஆச்சரியம்தான்.
திருமண பத்திரிகையால் கிடைத்த பட வாய்ப்பு... நெகிழ்ச்சியுடன் சொன்ன கதாசிரியர்!
ஒரு திருமண பத்திரிகை ஒரு திரைப்படத்துக்கான வாய்ப்பைப் பெற்றுத் தருமா? ஆனால் சித்ராலயா கோபுவுக்கு பெற்றுத் தந்தது. அந்த தரமான சம்பவம் என்னன்னு பாருங்க...
தன்னுடைய மகனின் திருமணத்துக்கு அழைப்பதற்காக ஏவிஎம்.சரவணனை சந்தித்தார் சித்ராயா கோபு. உங்க பையன் கல்யாணத்துக்கு நான் வராம இருப்பேனா என்று சித்ராலயா கோபுவிடம் சொன்ன சரவணன் உங்களைப் பார்த்த உடனே தான் நினைவுக்கு வருது. இப்ப நாங்க ஒரு நகைச்சுவை படம் எடுக்குறோம். அந்தப் படத்துக்கு நீங்கள் வசனம் எழுத முடியுமா என்று கோபுவை பார்த்துக் கேட்டார்.
எங்களுடைய வழக்கப்படி கல்யாணத்தில ஆண் வீட்டாருக்கு எந்த வேலையும் இருக்காது. எல்லாம் பெண் வீட்டாருடைய வேலைதான். அதனால நான் ப்ரீயா தான் இருப்பேன். தாராளமாக எழுதித் தருகிறேன் என்றார் சித்ராலயா கோபு. மறுநாளே தன்னை வந்து சந்திக்கும்படி ஏவிஎம் சரவணன் சொல்ல அவரை போய் சந்தித்தார் சித்ராலயா கோபு. ஏவிஎம் சரவணனை சித்ராலயா கோபு சந்தித்த போது அந்த அறையிலே ராஜசேகரும் இருந்தார்.
அடுத்து ஏவிஎம் நிறுவனத்துக்காக தான் இயக்கப் போகின்ற கதையை ராஜசேகர் சித்ராலயா கோபுவிடம் சொல்ல, இதே சாயல்ல நான் ஒரு டிராமாவை எழுதி இருக்கிறேன் என்று சொன்னார் சித்ராலயா கோபு. உங்களுடைய டிராமா இப்ப இவர் சொன் கதை இரண்டையும் இணைத்து நீங்களே இந்தப் படத்துக்கு திரைக்கதை வசனம் எழுதிருங்க என்று ஏவிஎம்.சரவணன் சொல்ல உருவானதுதான் பாட்டி சொல்லைத் தட்டாதே என்ற திரைப்படம்.
அந்த
படம் எப்படிப்பட்ட ஒரு வெற்றிப்படமாக அமைந்ததுன்னு எல்லாருக்கும் தெரிந்த
விஷயம். 25 வாரத்தைக் கடந்து ஓடிய அந்தத் திரைப்படத்துக்கு வசனம்
எழுதுகின்ற வாய்ப்பை எனக்கு பெற்றுத் தந்தது என்னுடைய மகனின் திருமணப்
பத்திரிகை தான் என்று ஒரு பத்திரிகை பேட்டியில் சித்ராலயா கோபு
தெரிவித்துள்ளார்.
