ஏ. ஆர். ரஹ்மானின் இசை ஆசிரியர் எஸ். கிருஷ்ணமூர்த்தி என்னும் இயற்பெயர் கொண்ட மதன் பாப்.

 

ஏ. ஆர். ரஹ்மானின் இசை ஆசிரியர் மதன் பாப்.

எஸ். கிருஷ்ணமூர்த்தி என்னும் இயற்பெயர் கொண்ட இவர், மதன் பாப் என்று பரவலாக அறியப்படும் திரைப்பட நகைச்சுவையாளரும், நிகழ்ச்சி தொகுப்பாளரும் ஆவார். இசையமைப்பாளராக தன்னுடைய திரைப்பட வாழ்க்கையை தொடங்கினார். சன் தொலைக்காட்சியில் அசத்தப் போவது யாரு? என்ற நகைச்சுவை நிகழ்ச்சியில் நடுவராக பணியாற்றினார்.

காமெடி நடிகர் மதன் பாபின் உண்மையான பெயர் கிருஷ்ணமூர்த்தி. இவர் உண்மையில் ஒரு இசைக்கலைஞர். ஆஸ்கர் புயல் ஏ.ஆர் ரஹ்மானின் இசை ஆசிரியர் இந்த மதன் பாபு என்றால் நம்ப முடிகிறதா? ஆனால் அதுதான் உண்மை.

மதன்பாபு 1950 ஆம் ஆண்டு சென்னையில் பிறந்தவர். இவரது குடும்பத்தில் இவர் எட்டாவது குழந்தை ஆவார். 1984ஆம் ஆண்டு நீங்கள் கேட்டவை என்ற பாலு மகேந்திராவின் படத்தில் காமெடி நடிகராக அறிமுகம் ஆனார்.

நீங்கள் கேட்டவை, வானமே எல்லை, உடன் பிறப்பு, தேவர் மகன், புள்ளக்குட்டிக்காரன், ஜதி மாலை, உழைப்பாளி, நம்மவர், மகளிர் மட்டும், சதி லீலாவதி, பூவே உனக்காக, ப்ரியம், சுந்தர புருசன், கோபுரதீபம், சாச்சி 420, நேருக்கு நேர், ரோஜா மலரே, விவசாயி மகன், உன்னிடத்தில் என்னை கொடுத்தேன், காதலா காதலா, ஜூலி, நீ வருவாய் என, எதிரும் புதிரும், ஆனந்த பூங்காற்றே, உனக்காக எல்லாம் உனக்காக, உன்னை தேடி, துள்ளாத மனமும் துள்ளும், பூவெல்லாம் கேட்டுப்பார், கண்ணுக்குள் நிலவு, தெனாலி, ரிசி, பெண்ணின் மனதைத் தொட்டு, பார்த்தாலே பரவசம், லூட்டி, பிரண்ட்ஸ், அள்ளித்தந்த வானம், காமராசு, ஏய் நீ ரொம்ப அழகாய் இருக்கே, கிருஷ்ணா கிருஷ்ணா, புன்னகை தேசம், ஜெமினி, வில்லன், யூத், நள தமயந்தி, பிரியமான தோழி, தித்திக்குதே, விஷ்வதுளசி, பம்மல் கே. சம்பந்தம், வசூல்ராஜா எம்.பி.பி.எஸ், ஜெய் ராம், ஏபிசிடி, கற்க கசடற, ஐயா, மழை, ஜித்தன், குஷி, ஜெர்ரி, ஆதி, வரலாறு, முதன் முதலாய், மருதமலை, தொட்டால் பூ மலரும், வேல், அறை எண் 305ல் கடவுள், சேவல், ஐந்தாம் படை, பாரமரம், ஆனந்த தாண்டவம், தீ திரைப்படம், எங்கள் ஆசான், சுறா, பெண் சிங்கம், காவலன், மாப்பிள்ளை, பத்தாயிரம் கோடி, சிங்கம் 2, எதிர்நீச்சல், துள்ளி விளையாடு, சாகசம்

ஆகிய திரைப்படங்களில் நடித்துள்ளார்.

மனதுக்குப் பட்டதை அசாத்திய துணிவோடு சொன்னவர் எம் ஆர் ராதா!

 

தமிழ்நாட்டில் ஒரே ஒரு நடிகருக்கு மட்டும்தான் அந்த அசாத்திய துணிச்சல் இருந்தது.

எம் ஆர் ராதா.

அவரைப்போல ஜாதி மத துவேஷங்களுக்கு எதிராக தைரியமாகக் குரல் கொடுத்த நடிகர் வேறு எவரும் இல்லை.

எதைப்பற்றியும் கவலைப்படாமல்

யாரைப்பற்றியும் கண்டுகொள்ளாமல்

தன் மனதுக்குப் பட்டதை பளிச்சென்று துணிவோடு சொன்னவர் எம் ஆர் ராதா.

தன்னுடைய ஆணித்தரமான கருத்துக்களை அழுத்தமாகச் சொல்வதற்கு, தான் நடித்த நாடகங்களை பயன்படுத்திக் கொண்டார் அவர்.

ஒரு நாடகத்தில் எம் ஆர் ராதா இப்படிப் பேசுவார்.

“பெரியவங்களே, சின்னவங்களே, பொம்பளைங்களே !

நீங்கள் எல்லாம் இப்ப எதுக்கு வந்திருக்கீங்கன்னு தெரியும். இந்த கம்ப நாடாரின் விழாவிலே...” என்று ஆரம்பிக்கும்போது ஒருவர் குறுக்கிட்டுச் சொல்வார்.

“ அய்யா... அவரு நாடாரு இல்ல...”

“நாடார் இல்லயா ? அப்ப இந்த கம்ப முதலியாராகப்பட்டவர்...”

“அய்யா... அவரு முதலியாரும் இல்ல...”என்பார் கூட்டத்தில் ஒருவர்.

“முதலியாரும் இல்லயா ?

சரி... என்னன்னு புரிஞ்சு போச்சு; இந்த கம்பர் அய்யர் ஆனவர்...”

“அய்யா... அவரு அய்யரும் இல்ல...”

“என்னது நாடார் இல்ல, முதலியார் இல்ல ... அய்யரும் இல்லயா...

அப்போ, இப்போதான் ஜாதிகளை சொல்லிக்கிட்டிருக்கோமா ? அந்தக் காலத்தில ஜாதி கிடையாதா ?

சரிதான்..! இந்த ஜாதியில்லாத கம்பன் விழாவிலே...” என எம்.ஆர். ராதாவின் பேச்சு தொடருமாம்..!

ஜாதி மத வேறுபாடுகளுக்கு எதிராக இத்தனை தைரியமாகக் குரல் கொடுத்த எம்.ஆர்.ராதாவின் இந்தத் துணிவு அவருக்குப் பின் வேறு எந்த நடிகருக்கும் வரவில்லை.

நடிகன் ஒரு கருத்தைச் சொன்னால், அதை நாடே கவனிக்கிறது.

அதை உணர்ந்து உருப்படியாக பயன்படுத்திக் கொண்ட ஒரே நடிகர் எம் ஆர் ராதா மட்டும்தான!

பாலச்சந்தர் இயக்கிய அரங்கேற்றம் (1973)

 

அரங்கேற்றம்(1973)

கத்தியின்றி இரத்தமின்றி கே.பாலச்சந்தர் செய்த சமூக யுத்தம்..!

• ஆச்சாரமான குடும்பத்தில் பிறந்து தனது குடும்பத்திற்காக வழி தவறி அதன் பிறகு தனது குடும்பத்தினரால் வெறுக்கப்பட்டு பைத்தியமாக மாறும் ஒரு பரிதாபமான கதாபாத்திரம் தான் அரங்கேற்றம் படத்தின் நாயகியான பிரமிளாவின் கதாபாத்திரம்.
• கே.பாலச்சந்தர் இயக்கத்தில் கடந்த 1973-ஆம் ஆண்டு வெளியான இந்த திரைப்படம் அப்போது மிகப் பெரிய வரவேற்பு பெற்றது.

கதை:

• அந்த கிராமத்தில் மிகவும் ஆச்சாரமான ஒரு குடும்பம்.ஆனால் அவர்களுக்கு ஏகப்பட்ட குழந்தைகள்.
• ஆனால் அந்த குழந்தைகளுக்கு சாப்பாடு கூட போட முடியாத அளவுக்கு வறுமை.
• வறுமையாக இருந்தாலும் அந்த குடும்ப தலைவர் எஸ்.வி.சுப்பையா தனது கௌரவத்தை விட்டுக் கொடுக்காமல் இருப்பவர்.
• குழந்தைகள் பட்டினி கிடந்தாலும் பரவாயில்லை, ஆனால் தனது கௌரவத்தை விட மாட்டேன் என்று பிடிவாதமாக இருப்பவர்.
• இந்த நிலையில் வீட்டில் வறுமை கண்ட மூத்த மகள் பிரமிளா அப்பாவிடம் போராடி வேலைக்கு செல்ல அனுமதி வாங்குவார்.
• இதனை அடுத்து அவர் சென்னைக்கு வேலைக்காக செல்வார்.
• அப்போது தனது மூத்த தம்பியான கமல்ஹாசன் எம். பி. பி.எஸ் படிக்க வேண்டும் என்ற ஆசைப்பட்டதால் சிபாரிசுக்காக ஒரு பெரிய மனிதரிடம் பிரமிளா செல்வார். அப்போது அங்கு அவரால் சூறையாடப்படுவார்.
• அதன் பிறகு கமல்ஹாசனுக்கு எம்.பி.பி.எஸ் சீட் கிடைத்து விடும்.
• இதனை அடுத்து அவர் வேறு ஒரு இடத்திற்கு வேலைக்கு செல்வார். அந்த இடத்தில் அந்த நிறுவனத்தின் முதலாளியால் சூறையாடப்படுவார்.
• அதன் பிறகு தங்கையின் பாடகி ஆசையை நிறைவேற்ற ஒரு பெரிய மனிதரிடம் செல்வார். அங்கும் அவர் சூறையாடப்படுவார்.அதன் பிறகு தங்கை பாடகியாகி விடுவார்.
• ஒரு கட்டத்தில் பிரமிளா விபச்சாரியாக மாறி விடுவார். அதில் கிடைக்கும் பணத்தை வைத்து தான் அவர் தனது குடும்பத்திற்கு அனுப்பி வைப்பார்.
• தம்பி கமல்ஹாசன் ஒரு பக்கம் மருத்துவம் படிக்க, மற்ற தம்பி, தங்கைகள் நன்றாக படிக்க, அப்பா, அம்மா, பாட்டி உள்பட அனைவரும் மூன்று வேளை சாப்பாடு, நல்ல உடை என திருப்தியான வாழ்க்கை அவர் செய்த விபச்சார தொழிலால் தான் என்பது குடும்பத்தினருக்கு தெரியாது.
• இந்த நிலையில் தான் ஒரு கட்டத்தில் தங்கையின் கல்யாணத்திற்காக அவர் ஊருக்கு வருவார்.
• அப்போது தனது தாயார் மீண்டும் கர்ப்பமாக இருப்பதை பார்த்து அதிர்ச்சி அடைவார்.
• இந்த நிலையில் தனது தங்கைக்கு பார்த்த மாப்பிள்ளை தன்னை தேடி வந்த கஸ்டமர்களில் ஒருவர் என்பது அவருக்கு தெரிய வந்து அதிர்ச்சி அடைவார்.
• இந்த நிலையில் பிரமிளா சென்னையில் விபச்சாரம் செய்து தான் தனது குடும்பத்தை காப்பாற்றி இருப்பார் என்பது அவரது குடும்பத்திற்கு மட்டுமின்றி ஊருக்கே தெரிய வரும்.
• அதன் பின் என்ன நடந்தது?
• கடைசி 20 நிமிடம் பொங்கி எழுந்து பிரமிளா பேசும் வசனங்கள் என்ன?
• இறுதியாக பிரமிளாவின் கேரக்டருக்கு கிடைத்த பரிதாபமான முடிவு என்ன?

என்பது தான் இந்த படத்தின் கிளைமாக்ஸ்.

• இந்த படத்தின் டைட்டிலிலே முதலில் பிரமிளா என்று தான் போடுவார்கள்.
• அந்த அளவுக்கு அவரது கதாபாத்திரம் படத்திற்கு முக்கியத்துவம் வாய்ந்ததாக இருக்கும்.
• கமல்ஹாசன் குழந்தை நட்சத்திரமாக நடித்திருந்த நிலையில் முதல் முதலாக வாலிபராக நடித்த படமிது.
• அதுமட்டுமின்றி அவருக்கு இந்த படத்தில் நெகட்டிவ் கேரக்டர் தான்.

• இந்த படத்தில் கே.பாலசந்தரின் வசனம் அபாரமாக இருக்கும்.
• கத்தி இன்றி ரத்தம் இன்றி ஒரு சமூக யுத்தத்தையே அவர் தனது வசனம் மூலம் செய்திருப்பார்.
• இந்த திரைப்படம் 1973-ஆம் ஆண்டு பிப்ரவரி 9-ஆம் தேதி வெளியானது.
• பாலச்சந்தர் இயக்கிய சிறந்த படங்களின் வரிசையில் கண்டிப்பாக இந்த படத்தையும் சொல்லலாம்.

விஜய்காந்த் !

விஜய்காந்திடம் சேர்ந்து நடித்த ஒரு சமயத்தில் அருண்பாண்டியன் தனக்கு சினிமா இயக்கும் ஆசை இருப்பதை சொல்லி இருக்கிறார்.

"நிச்சயம் செய் அருண். நான் நடித்துக்கொடுக்கிறேன்" என அப்போது சொல்லி இருக்கிறார். சில வருடங்கள் கழித்து அருண்பாண்டியன் தனது நூறாவது படத்தை தானே தயாரித்து, நடித்து, இயக்கப்போவதாக சொல்ல தான் கொடுத்த வாக்குப்படி போலீஸ் ஆபிசராக கெஸ்ட் ரோலில் நடித்துக்கொடுக்கிறார் விஜயகாந்த். அந்தப்படம் தான் 'தேவன்.

சினிமாவில் நடித்துக்கொண்டிருந்த வடிவுக்கரசி தான் சொந்தப்படத்தை தயாரிக்க விரும்புவதாகவும் விஜய்காந்த் நடிக்க வேண்டும் எனவும் கேட்கிறார். அது 'நூறாவது நாள்' படப்பிடிப்பு தளம். அங்கு மோகனும் இருந்திருக்கிறார். விஜய்காந்தோ வடிவுக்கரசியிடம் "மோகன் தான் இப்போ பீக்ல இருக்கார். அவர்க்கிட்ட கால்ஷீட் கேளுங்க" என ஐடியா சொல்ல மோகனோ படுபிஸி. கால்ஷீட் இல்லாமல் திரும்பவும் விஜய்காந்திடம் வர அவர்ரவடிவுக்கரசிக்கு நடித்துக்கொடுத்தப்படம் தான் 'அன்னை என் தெய்வம்'.

கலைஞரின் மருமகன் அமிர்தம். எம்.ஜி.ஆர் காலங்களில் படங்களை இயக்கியவர். ஜெய்சங்கர், மு.க.முத்து படங்களை இயக்கிய அவர் கடைசியாக இயக்கிய படம் 'தூக்குமேடை'. அவர் எண்பது கால இளைஞர்களோடு பணி புரிய ஆசைப்பட்டு விஜய்காந்திடம் ஒரு கதை சொல்கிறார். அந்தக்கதை அவருக்கு பிடித்து விடுகிறது. அப்போது பானுப்ரியா படம் தயாரிக்கக்கேட்க இருவரின் ஆசையையும் நிறைவேற்ற நடித்தது தான் 'சிறையில் பூத்த சின்ன மலர்.'

ஏவிஎம் சகோதரர்களில் எம்.குமரன் மட்டும் தனித்து வந்து படமெடுக்க ஆசைப்பட்டு விஜய்காந்திடம் கால்ஷீட் கேட்கிறார். குமரனுக்காக நடித்துக்கொடுத்த படம் 'வெள்ளைப்புறா ஒன்று'.

எம்.ஜி.ஆரின் ஆட்சிக்காலத்தில் மறைமுகமாக திரைப்படங்களில் பிரச்சார பீரங்கிகளாய் சில நடிகர்கள் இருந்தனர். ராதாரவி, தியாகு, எஸ்.எஸ்.சந்திரன், டி.ராஜேந்தர், சந்திரசேகர், ராமநாராயணன் இப்படி. இதில் நகைச்சுவை நடிகரான எஸ்.எஸ்.சந்திரன் படம் தயாரிக்க ஆசைப்பட்டு கேட்க ராம.நாராயணன் இயக்கினார். அதில் விஜய்காந்த் தானும் பங்கேற்பதாக ஒரு கௌரவ வேடத்தில் நடித்துக் கொடுத்தார். அதற்கு எஸ்.எஸ்.சந்திரனிடமிருந்து ஒரு பைசா கூட வாங்கிக்கொள்ள வில்லை. டி.ஆர் இசையமைத்த அந்தப்படம் 'எங்கள் குரல்'.

தாணு இயக்குனராக ஆசைப்பட 'தெருப்பாடகன்', மணிவண்ணன் தயாரிக்க ஆசைப்பட 'சந்தனக்காற்று', ஜெயப்ரதாவுக்கு கர்நாடக எம்.எல்.ஏ ரமேஷ் மூலம் 'ஏழைஜாதி', இயக்குனர் ரங்கராஜ் தயாரிக்க 'தர்மம் வெல்லும்', மணிரத்னத்துக்கு 'சத்ரியன், இளையராஜா-கங்கை அமரனுக்கு 'கோவில் காளை', பழ.கருப்பையாவுக்கு 'பொறுத்தது போதும்', சங்கிலி முருகனுக்கு 'கரிமேடு கருவாயன்', பெரியமருது, பாரதிராஜாவுக்கு 'தமிழ்செல்வன்', அவரது மைத்துனர் இயக்குனர் மனோஜ்குமார் தயாரிக்க 'ராஜ்ஜியம்',.......

தனது கூடவே இருந்த ரசிகர் மன்ற நிர்வாகியான ராமு.வசந்தனை 'தாயகம்' படத்தின் தயாரிப்பாளர்களில் ஒருவராக்கியதும் விஜய்காந்த் தான்.பல வருடங்களாக தனது உதவியாளராக இருந்த எஸ்.கே.சுப்பையாவை தயாரிப்பாளராக்கி அவர் நடித்தப்படம் தான் 'பெரியண்ணா'. அதில் கிடைத்த பணத்தை பணமாக கொடுத்தால் செலவாக்கி விடுவார் என வீடாக வாங்கிக்கொடுத்தவரும் விஜய்காந்த் தான்.

தனது சொக்கத்தங்கம் படத்தை இயக்க சேரன் சம்பளப்பிரச்சினையில் ஒதுங்கிக்கொள்ள வாய்ப்பின்றி இருந்த பாக்யராஜை அழைத்து மறுப்பின்றி இயக்க வைத்தார்.

இவ்வளவு ஏன்?.... விஜய்காந்த் நடிக்க வந்த புதிதில் சண்டைக் காட்சிகளுக்காக ஆரம்பக்காலத்தில் மாடக்குளம் தர்மலிங்கத்திடம் சிலம்பம் கற்றுக் கொண்டிருந்தார். தன் சிலம்ப ஆசானையும் விடவில்லை விஜயகாந்த். அவரையும் தயாரிப்பாளராக்கி அவர் நடித்துக்கொடுத்தப்படம் தான்

'ஏமாறாதே...ஏமாற்றாதே.....'

150 படங்களில் நடித்தாலும் பல சிறிய ஆட்களை தயாரிப்பாளராக்கும் தைரியமும், தன்னம்பிக் கையும் விஜய்காந்துக்கு இருந்தது. அவர் ஐநூறு, ஆயிரம் படங்களாவது நடித்திருந்தால்......💗💗

இப்படிக் கூட உதவி செய்யலாம் நடிகர் - ஜெய்சங்கர் !

 

அந்த நடிகருக்கு இப்படியும் கூட ஒரு முகம் உண்டு என்பதை இன்றுதான் தெரிந்து கொண்டேன் !

அந்த நடிகர் தனது வீட்டு விசேஷங்கள் எதுவாக இருந்தாலும் ஏதாவது ஒரு அனாதை இல்லத்துக்குப் போய்த்தான் விருந்து வைத்து கொண்டாடுவாராம்.

முழு செலவையும் அவரே ஏற்று நடத்தி வைக்கும் அந்த விருந்தை அவரே முன் நின்று பரிமாறுவதுதானே முறை ?

அதுதான் இல்லை !

ஒவ்வொரு விருந்துக்கும் யாராவது ஒரு பிரபலத்தை அழைத்து வந்து அவர்கள் கையால் அந்த அனாதைக் குழந்தைகளுக்கு விருந்து பரிமாற வைத்து அதைப் பார்த்து மகிழ்வாராம் அந்த நடிகர்.

அந்த நடிகர் - ஜெய்சங்கர் !

சரி, ஏன் இப்படிச் செய்தார் ஜெய்சங்கர் ?

புரிந்து கொள்ள முடியாத ஒரு நண்பர் இந்தக் கேள்வியை ஜெய்சங்கரிடமே கேட்டு விட்டாராம்.

“ஏங்க ஜெய், விருந்துக்கான எல்லா செலவையும் நீங்க பண்றீங்க. அதை பரிமாறி புண்ணியம் தேடிக் கொள்வது மட்டும் யாரோ ஒரு பிரபலமா ?”

ஜெய்சங்கர் புன்னகைத்தாராம்.

நண்பர் விடவில்லை : “சிரிக்காதீங்க ஜெய், ஒண்ணு நீங்க பரிமாறுங்க. அல்லது உங்க மனைவி குழந்தைகளை விட்டு பரிமாற சொல்லுங்க. யாரோ ஒரு மூணாவது மனிதர்...”

நண்பரின் பேச்சை இடைமறித்த ஜெய்சங்கர் சிரித்தபடி சொன்னாராம் இப்படி :

“கொஞ்சம் பொறுங்க. நான் கூப்பிட்டுட்டு வர்ற பிரபலங்களை கவனிச்சு இருக்கீங்களா ? அவங்க யாருமே இந்த மாதிரி அனாதை இல்லங்களுக்கெல்லாம் போய் உதவி செய்யற பழக்கம் இல்லாதவங்க. அதுக்கான நேரம் இல்லாதவங்க. அது பற்றின விவரம் தெரியாதவங்களாக கூட இருக்கலாம் .

அதனால இதை ஒரு வாய்ப்பா பயன்படுத்தி அவங்களை நான் கூப்பிடறேன். இந்த மாதிரியும் இடம் இருக்கு. இப்படிக் கூட உதவி செய்யலாம் என்று அறிமுகப்படுத்துகிறேன். அவ்வளவுதான் ! இப்படி வர்ற பத்து பேர்ல ஒரே ஒருத்தர் மனசில இந்த உதவி பதிஞ்சா கூடப் போதுமே ! எதிர்காலத்தில அவங்களும் கூட இதுமாதிரி உதவிகளைச் செய்ய முயற்சி செய்யலாம் இல்லையா ? அதுக்காகத்தான் இப்படி கூப்பிடறேன்!"

ஜெய்சங்கரின் இந்தப் பதிலைக் கேட்ட நண்பர் மௌனமாகிப் போனாராம்.

(2000 ஜூன் 3 ): நடிகர் ஜெய்சங்கர் நினைவு தினம் .

இளையராஜா !

 

1990-ம் ஆண்டு.

தான் முதன்முதலாக இயக்கும் படத்திற்கு இளையராஜா தான் இசையமைக்க வேண்டும் என்று ஒருவர் வந்து நிற்கிறார். வந்தவரை பார்த்தது ராஜாவிற்கு அதிர்ச்சி. இவர் ப்ரொடியூசர், டிஸ்ட்ரிப்யூட்டர் ஆச்சே, இவர் எதுக்கு திடீர்னு டைரக்ட் பண்றேன்னு வராரு என்று சந்தேகத்தில் பார்க்கிறார்.

ஆனால் பஞ்சு அய்யாவின் ரெகமண்டேஷன் என்பதால் ராஜாவும் ஒப்புக் கொள்கிறார். தயாரிப்பாளராக, வினியோகஸ்தராக இருந்து இயக்குனர் அவதாரம் எடுத்த அந்த நபர் தான் திரு.கேயார் அவர்கள். தமிழில் அவர் இயக்கியமுதல் படமான ஈரமான ரோஜாவே படத்திற்கு இசையமைக்க ஒரு வழியாக ராஜாவை சம்மதிக்க வைத்து விட்டார்.

கம்போசிங்கிற்கு எங்காவது வெளியூர் செல்லலாம் என்கிற போது ராஜாவே கொச்சினுக்கு போகலாம் என்று சொல்லியிருக்கிறார். அதுவும் ரயிலில் தான் செல்ல வேண்டும் என்று சொல்ல, கேயாரும் அதற்கான ஏற்பாடுகளை செய்திருக்கிறார். ராஜாவும், அவரது மனைவியுடன் வர, கடைசி நேரத்தில் ஒருவருக்கு மட்டும் டெக்கெட் கன்பார்ம் ஆகவில்லை. டி டி ஆர் ராஜாவைப் பார்த்துவிட்டு, நீங்க எங்க வேணா உக்காருங்க சார், என்று அனுமதி கொடுத்து விடுகிறார்.

அடுத்த நாள் காலை கொச்சின் வந்து இறங்கியாகிற்று. அங்குள்ள நட்சத்திர ஹோட்டலில் அறை. காலை 7.30 மணிக்கு கேயாருக்கு அழைப்பு வருகிறது. இவர் போனால் அங்கே குளித்து முடித்து ரெடியாகி, வெள்ளை உடையில் தயாராக இருக்கிறார் ராஜா. "கம்போசிங் ஆரம்பிக்கலாமா" என்று கேட்கவும் கேயாருக்கு அதிர்ச்சி. "இப்பத்தானே வந்துருக்கோம், கொஞ்ச ரெஸ்ட் எடுங்க, டிபன் சாப்பிடுங்க, சுத்திப் பார்க்க போவோம், அப்புறமா வந்து கம்போசிங் வச்சுக்கலாம்" என்று கேயார் சொல்லவும், அதெல்லாம் வேணாம்யா, முதல்ல வந்த வேலையை முடிப்போம் என்று வேலையை ஆரம்பித்திருக்கிறார்.

இயக்குனர் கேயார் ஒவ்வொரு சிச்சுவேஷனாக சொல்ல அரைமணிக்குள் 6 பாடல்கள் ரெடி. இதே பயணத்தில் இன்னும் இரண்டு படத்திற்கான கம்போசிங் செய்ய இயக்குனர்களை வரவழைத்திருக்கிறார் இளையராஜா. கேயார் வேலை முடிந்ததும் அவர்களை அழைக்க, சிவாஜி ப்ரொடக்‌ஷன் சார்பில் பிரபு, குஷ்பூ நடிக்க தயாரான படம் "மை டியர் மார்த்தாண்டன்". அவரும் சிச்சுவேஷன் சொல்ல அந்தப் படத்திற்கு 9 பாடல்கள் ரெடி.

அதற்கடுத்து ராஜாவின் நீண்ட நாள் நண்பர் பாரதிராஜாவுடன் இணையும் படம் " நாடோடி தென்றல்". அதற்கு 6 பாடல்கள் என மொத்தமாக 21 பாடல்களுக்கான ட்யூன்கள் ரெடி. இவை அனைத்து காலை 10 மணிக்குள் முடிந்து விட்டது. அதற்கு பிறகு தான் சுற்றிப் பார்க்க கிளம்பி இருக்கிறார் ராஜா.

உடன் வந்த கேயார் "ஏங்க சென்னைல இருந்தா     7மணிக்கு ஸ்டுடியோல வேலையை ஆரம்பக்கிறிங்க. வெளியூர் வந்தாலும் அதே             7 மணிக்கு வேலை செய்யறதுக்கு, பேசாம சென்னைலேயே இருந்திருக்கலாமே" என்று ராஜாவிடம் கேட்டிருக்கிறார். "எனக்கும் நாலு இடத்தைப் பார்க்கனும்னு ஆசை இருக்காதா, அதுக்குத் தான் வரோம். வேலையையும் முடிச்சுட்டா நிம்மதியா இருக்கலாம்ல" என்று சொன்னபடி வேட்டியை தூக்கிவிட்டபடி கடலைப் பார்த்து நடந்து கொண்டிருந்தார் ராஜா..

மை டியர் மார்த்தாண்டன் படம் தான் முதலில் வந்தது. அதற்கடுத்து ஈரமான ரோஜாவே, நாடோடி தென்றல் படம் நீண்ட நாள் தயாரிப்பில் இருந்து 1992-ல் தான் வெளிவந்தது. 3 படங்களின் பாடல்களும் சூப்பர் ஹிட் ஆனது.

அன்றிலிருந்து இன்று வரை மனிதர் மாறவே இல்லை. மே மாதம் நான் சிம்பொனி எழுதி விட்டேன் என்றார், இப்போது ஜனவரியில் சிம்பொனி வெளியாகும் என்கிறார். 1990-2024 34 வருடங்கள் ஓடியிருந்தாலும், ராஜாவுக்கு 80 வயதாகியிருந்தாலும் அவர் வேலை செய்வது இன்னும் நிற்கவில்லை. இன்னும் வேகமாக ஓடிக் கொண்டிருக்கிறார்.

முதல் மரியாதை !

 

🌹முதல் மரியாதை!

தன்னை வளர்த்த மாமனின் கெளரவம் கருதி, அவர் காலில் விழுந்து கேட்டுக் கொண்ட ஒரே காரணத்திற்காக மாமனின் மகளான ‘பொன்னாத்தா’வை திருமணம் செய்து கொள்கிறார் மலைச்சாமி.

விருப்பமற்ற இல்லற வாழ்க்கையின் மனப்புழுக்கத்தை பல வருடங்களாக சகிச்த்துக் கொண்டிருப்பவர். பெறாத மகளாக இருந்தாலும் அவள் மீது உண்மையான தகப்பனை விடவும் அதிக பாசத்தைக் கொட்டுபவர்.

🌹‘உள்ளே அழுகறேன்… வெளியே சிரிக்கறேன்’ என்கிற கதையாக விரக்தியுடன் வாழ்ந்து கொண்டிருப்பவரின் பாலைவன வாழ்க்கையில் இளம் தென்றலாய் நுழைகிறாள்

🌹 ‘குயில்’. வழக்கமான கிராமத்துக் குசும்புகளுடன் ஆரம்பிக்கும் இவர்களின் நட்பு ஒரு கட்டத்தில் களங்கமற்ற அன்பாகவும் குற்றமற்ற நேசமாகவும் மாறுகிறது. ஊராரின் எதிர்ப்பிற்கும் அவதூறுக்கும் இடையில் சிக்கித் தவிக்கும் இவர்களின் உறவு ஒரு காவியத் துயரத்துடன் நிறைவடைவதை உருக்கத்துடன் சித்திரித்திருந்தார் பாரதிராஜா.

🌹கணவனை எப்போதும் கரித்துக் கொட்டும் ‘சிடுசிடு’ மனைவியின் பாத்திரத்தில் நடிக்க வடிவுக்கரசி

🌹சிவாஜி முதல் நாள் படப்பிடிப்பிற்குத் தயாராகி வரும்போது தன்னுடைய வழக்கப்படி ‘பெரிய விக், மீசை’ என்று சினிமாவிற்கான தோரணையுடன் வந்தததைப் பார்த்து திகைத்துப் போன பாரதிராஜா

🌹 “ஐயா... நீங்க இயல்பான தோற்றத்தில் வந்தால் போதும். நான் பார்த்துக் கொள்கிறேன்” என்று சொல்ல

🌹 “அப்படியா சொல்ற... சரிப்பா” என்று சிவாஜி உடனே ஒப்புக் கொண்டாராம். இந்தத் திரைப்படம் என்றல்ல, தனது எல்லாத் திரைப்படங்களிலும் இயக்குநரிடம் தன்னை முழுமையாக ஒப்படைத்துக் கொள்வதுதான் சிவாஜியின் வழக்கம்.

🌹குயில்’ பாத்திரம் என்பது

ராதாவிற்கு

ஊர்ப் பெரியவரான சிவாஜியிடம் துடுக்குத்தனமாக பேசுவதாகட்டும், மறைந்திருந்து எசப்பாட்டு பாடுவதாகட்டும், அவரின் சொந்தக்கதையை அறிந்து வருந்துவதாகட்டும், அதுவே பிறகு பாசமாகவும் நேசமாகவும் மலர்வதாகட்டும்,

🌹 “உன் மனசுல நான் இல்ல... உண்மையைச் சொல்லுய்யா” என்று ஏக்கத்தை வெளிப்படுத்துவதாகட்டும். ‘குயில்’ பாத்திரத்திற்குள் அற்புதமாக கூடு புகுந்தார் ராதா. .

இந்தத் திரைப்படத்தின் அனைத்துப் பாடல்களும் இனிமையானவை

மலேசியா வாசுதேவனின் குரல் சிவாஜிக்கு மிகப் பொருத்தமாக அமைந்தது என்பதை ‘முதல் மரியாதை’ பாடல்கள் மீண்டும் நிரூபித்தன.

🌹 ‘பூங்காற்று திரும்புமா’ பாடலில் உள்ள ஏக்கம், அதற்கு முரணாக

🌹 ‘ஹே... குருவி. சிட்டுக்குருவி’ பாடலில் உள்ள உற்சாகம் என்று அசத்தியிருந்தார்

மலேசியா.

இன்னொரு பக்கம் ஜானகியம்மாவின் ராஜாங்கம்.

🌹 ‘அந்த நெலாவத்தான் கையில பிடிச்சேன்' என்று ரொமான்ஸில் பின்னியெடுத்தவர்,

🌹‘வெட்டிவேரு வாசத்தில்’ நம்மை உருக்கியெடுத்துவிட்டார்.

🌹 ராதா சமைக்கும் மீனை வெட்டி வீறாப்புடன் முதலில் மறுத்துவிட்டு பிறகு ‘உனக்கு வயித்த வலிக்கும். அதான் சாப்பிடறேன்’ என்று குழந்தைத்தன்மையுடன் சிவாஜி சொல்லும் காட்சி அற்புதமானது.

🌹 “உன் மனசுல நான் இல்ல... உண்மையைச் சொல்லுய்யா” என்று கேட்கும் ராதாவின் கன்னத்தில் அறைந்து விட்டு

🌹“பச்சைப் புள்ளன்னு நெனச்சு பழகினது தப்பாப் போச்சு” என்று பாவனையாகக் கோபப்படும் சிவாஜி,

கடைசிக்காட்சியில் தன் காதலை ஒப்புக் கொள்வது உருக்கமானது.

🌹“என் புருஷனை நீ வெச்சிருக்கியா சொல்லுடி” என்று துடைப்பைக் கட்டையால் ராதாவை வடிவுக்கரசி அடிப்பதும், ஊராரின் அவதூறு தாங்காமல்

🌹 “ஆமாம். நான் அவளை வெச்சிருக்கேன்” என்று பஞ்சாயத்தின் நடுவில் சிவாஜி வாக்குமூலம் தருவதும் அந்த வார்த்தைகளை மலர் தூவல்களாக ராதா கற்பனை செய்து கொள்வதும் சுவாரஸ்யமான காட்சிகள்.

ஸ்ரீநிவாஸ்....

ரஜினி படத்தை இயக்க மறுத்த எஸ்.பி.முத்துராமன் !

 

ரஜினி படத்தை இயக்க மறுத்த எஸ்.பி.முத்துராமன்

சூப்பர் ஸ்டார் ரஜினி நடித்த டாப் 10 படங்களில் ஒன்று 'நெற்றிக் கண்'. இந்த படத்தின் கதையை விசு எழுதியிருந்தார். இந்த கதையில் சிறப்பு என்னவென்றால், அதற்கு முன் வந்த படங்கள் அனைத்திலும் அப்பா நல்லவராக இருப்பார், மகன் தீயவனாக இருப்பான். அப்பா, மகனை திருத்துவது மாதிரி இருக்கும். ஆனால் இந்த கதையில் அப்பா பெண் பித்தராக இருப்பார். மகன் அவரை திருத்துவதாக மாற்றி எழுதப்பட்ட கதை.

இந்த கதை விசு நாடகத்திற்காக எழுதியது. பாலச்சந்தரிடம் படித்து பார்க்க கொடுத்தார். கதையை படித்த கே.பாலச்சந்தர் இதை படமாகவே தயாரிக்கலாம் என்று கூறி உடனே எஸ்.பி.முத்துராமனை வரச் செய்து இந்த கதையை நீங்களே இயக்குங்கள், ரஜினி நடிக்கட்டும் என்றார். கதையை படித்து பார்த்த எஸ்.பி.முத்துராமன் “இந்த படத்தை நான் இயக்க மாட்டேன். வேறு யாரையாவது இயக்க சொல்லுங்கள், அல்லது ரஜினிக்கு பதிலாக வேறு யாராவது நடித்தால் நான் இயக்குகிறேன். ரஜினியை ஒரு போதும் பெண்பித்தராக என்னால் காட்ட முடியாது. நான் தடுமாறி விடுவேன்” என்று கூறிவிட்டார்.

உடனே ரஜினியை அழைத்த பாலச்சந்தர் அவருக்கு கதை சொன்னார். “ரஜினியும் சூப்பரா இருக்கே. எனக்கு நடிக்கிறதுக்கு நல்ல ஸ்கோப் இருக்கு. எத்தனை நாளைக்குத்தான் நல்லவனாகவே நடிப்பது நான் ரெடி” என்று கூறிவிட்டார். ஒரு வழியாக எஸ்.பி.முத்துராமனை சம்மதிக்க வைத்து படத்தை உருவாக்கினார்கள்.

இந்த படத்தில் ரஜினி இரட்டை வேடம் என்பதால் ஒளிப்பதிவாளர் பாபு அப்போது அறிமுகமாகி இருந்த 'மாஸ்க் ஷாட்' என்ற புதிய தொழில்நுட்பத்தில் படத்தை எடுத்தார். 90 மாஸ்க் ஷாட்கள் படத்தில் இடம் பெற்றது. இரட்டை வேட தொழில்நுட்பத்தில் அது ஒரு மைல் கல்லாக இருந்தது. படத்தின் மகன் சந்தோஷ் கேரக்டரை விட தந்தை சக்ரவர்த்தி கேரக்டர்தான் பேசப்பட்டது.

தேன் மொழி

நரை என்பது வெறுமனே வெண்மை முடி அல்லவே! அது அனுபவம் சார்,அனுபவம்!!

 

*வடக்கே ஒரு தொடர் வண்டியின் ஒரு பெட்டியில் தலை நரைத்த ஒரு முதியவர் மட்டும் பயணம் செய்து கொண்டிருந்தார்..

*அடுத்து வந்த ஒரு நிறுத்தத்தில் 10-15 இளைஞர் பட்டாளம் ஏறியது..மீண்டும் வண்டி வேகம் எடுத்து ஓட தொடங்கியது..

*இளைஞர்கள் என்றாலே,கூத்தும் கும்மாளமும்தானே.அதிலும் இன்றைய இளைஞர்களைப் பற்றி கேட்கவே வேண்டாம்..

*அவர்களின் ஒருவன்,டேய்! நாம வண்டியின் சங்கிலியை இழுத்து வண்டியை நிறுத்துவோமா..!?

*ஓஓ, நிறுத்தலாம்டா!!

*வண்டி நின்றதும் TTE வந்து விசாரிப்பாரே..அபராதம் போடுவாரே!

*அதையெல்லாம் சமாளிக்கலாம்டா! நீ இழுடா!! இவன் கிடக்கிறான்.

*அதில் ஒருவன் மட்டும் (என்னை மாதிரி பயந்தாங்கொள்ளின்னு வச்சுகங்களேன்) எதற்கும் அபராத தொகையை ரெடியா வச்சுக்கலாம்..

*இதுவும் நல்ல யோசனைதான்..யார் யார்கிட்ட எவ்வளவு பணம் இருக்கு..எடுங்கடா..

..எல்லாருமா சேர்ந்து 1500/- ரூபாய் சேர்த்து ஒருவனிடம் கொடுத்துட்டு...யோவ்,பெருசு உன்கிட்டே இருக்கிறதையும் கொடு..

...என்கிட்ட பணம் ஏதும் இல்லையேப்பா என்று அந்த முதியவர் சொல்ல...அதற்குள் ஒருவன்

...டேய்! இந்த பெருசு பணம் தரமாட்டேங்கிறார்டா..பேசாம இந்த பெருசை மாட்டி விட்டுறுவோம்,இவர்தான் சங்கிலியை இழுத்தார் என்று...

*அருமையான ஐடியாடா..நமக்கு ஜாலிக்கு ஜாலியுமாச்சு..பணமும் மிச்சம்.இந்த பெருசு என்ன செய்வார்னு பார்ப்போம்..

#ஒருவன் சங்கிலியை பிடித்து இழுக்க,தொடர் வண்டி நின்றது..

..சிறிது நேரத்தில் அங்கே வந்த TTE, யார் சங்கிலியை இழுத்தது..ஏன் இழுத்தீர்கள்!!?

**அதோ அந்த பெரியவர்தான் சங்கிலியை இழுத்தார்..நாங்களும் எவ்வளவோ சொன்னோம்..ஏன் இழுக்கிறீர்கள் என்று கேட்டோம் என்று கோரஸாக அந்த இளைஞர்கள் சொன்னதும்..

*TTE, என்னாச்சு பெரியவரே! ஏன் வண்டியை நிறுத்துனீர்கள்..தகுந்த காரணம் இல்லாமல் சங்கிலியை இழுத்தால் அபராதம் கட்ட வேண்டும் என்று தெரியாதா..

#அந்த பெரியவர் சொன்ன பதில்தான் இந்த கதையின் Climax...

**நான் என்ன செய்வது சார்..நானோ கூலி வேலை செய்கிறவன்..கஷ்டப்பட்டு சம்பாதித்த என்னுடைய பணம் 1500/- ஐ இந்த பசங்க எல்லோருமாக சேர்ந்து என்னிடமிருந்து பிடுங்கி கொண்டார்கள்...ஊர் வந்ததும் இறங்கி என் பேரப்பிள்ளைகளுக்கு #தீபாவளிக்கு_துணிமணி எடுக்கனும்..அதற்காகத்தான் சங்கிலியை இழுத்து வண்டியை நிறுத்தி புகார் கொடுக்கலாம் என்று நினைத்தேன்..நீங்க வேணா பாருங்க சார், அதோ அந்த பையன் பாக்கெட்டில் 1500 ரூபாய் இருக்கும்..

**மாபெரும் சபையினில் நீ நடந்தால் உனக்கு மாலைகள் விழ வேண்டும்..ஒரு மாற்று குறையாத மன்னவன் இவனென்று போற்றி புகழ வேண்டும்...

"உன்னையறிந்தால், நீ உன்னை அறிந்தால்..."

#அப்புறம் என்ன! அடுத்த ஸ்டேஷனில் வண்டி நின்றதும் அங்கிருந்த RPF அந்த இளைஞர்களை கொத்தாக அள்ளிக் கொண்டு போக..தொடர் வண்டி அந்த " நரை முடி முதியவருடன்" தன் பயணத்தை தொடர்ந்தது..!! (தன் சட்டை பையில் 1500 பணத்துடன் அந்த "பெருசு")

#100 இளைஞர்களை என்னிடம் அனுப்புங்கள் நான் உலகத்தை மாற்றி காட்டுகிறேன் என்றார் சுவாமி விவேகானந்தர்..

#வருங்கால_இந்தியா இன்றைய இளைஞர்களிடம் உள்ளது..கனவு காணுங்கள் என்றார் Dr.APJ ..

#ஆனால் இளைஞர்கள் இன்று எப்படி இருக்கிறார்கள்..எந்த பாதையில் செல்கிறார்கள்...பெரியவர்களை குறிப்பாக பெற்றோர்களை மதிக்கிறார்களா...!!?

சிந்திக்க வேண்டிய விஷயம்!!

*நரை என்பது வெறுமனே வெண்மை முடி அல்லவே! அது அனுபவம் சார்,அனுபவம்!!

1995 ஆம் ஆண்டு சென்னை தூரதர்ஷனுக்கு ரஜினி அளித்த பேட்டியிலிருந்து சில பகுதிகள்:

 

“என்னைக் கவர்ந்த அரசியல் தலைவர்”

ரஜினி அன்று கொடுத்த பேட்டி

*

1995 ஆம் ஆண்டு சென்னை தூரதர்ஷனுக்கு ரஜினி அளித்த பேட்டியிலிருந்து சில பகுதிகள்:

***

கேள்வி : நீங்க ஆன்மீகவாதியா? காந்தியவாதியா?

ரஜினி பதில்: இரண்டுக்கும் ஒண்ணும் பெரிய வித்தியாசம் இல்லைங்க.

கே : உங்களைக் கவர்ந்த அரசியல் தலைவர் யார்?

ப : சிங்கப்பூர் முன்னாள் பிரதமர் லீக்வான்யூ

கே : உங்களுடைய கருத்தை என்றைக்காவது மாற்றியதுண்டா?

ப : நான் ஒரு தடவை சொன்ன நூறு தடவை சொன்ன மாதிரி

கே : தங்களை மிகவும் கவர்ந்த நடிகர் யார்?

ப : கமல்ஹாசன்

கே : மனிதன் முட்டாளாக ஆவது எப்போது?

ப : தன் மீது நம்பிக்கை வைக்காமல், மற்றவர்கள் மீது நம்பிக்கை வைக்கும்போது

கே : பணம் வரும்போது மனிதன் எதை மறைக்கிறான்?

ப : உண்மையை மறைக்கிறான். பணத்தை மறைக்கிறான்?

கே : சோ, உங்களை அடிக்கடி பாராட்டிப் பேசுகிறாரே?

ப : அதாங்க எனக்குப் பயமா இருக்கு. நான் அரசியலுக்கு வரலீங்க. அதனால தான் பாராட்டிப் பேசிக்கிட்டு இருக்கார். வந்துட்டேன்னு வைச்சுக்குங்க. பீஸ் பீஸா கிழிச்சுடுவாரு. 

உண்மையாகவே சோ சார் சிறந்த அறிவாளி. மிகச்சிறந்த மனிதர். என்னுடைய நல்ல நண்பர்

கே : நடிகர் திலகம் சிவாஜிகணேசன் பற்றிச் சில வார்த்தைகள்?

ப : என்னை ‘ஸ்டைல் கிங்’னு சொல்லுவாங்க. நான் ‘ஸ்டைல் கிங்’னா, சிவாஜி சார் ‘ஸ்டைல் சக்கரவர்த்தி’.

தமிழில் வந்த இனிய இந்தி பாடல் இது. மகேந்திரன் இயக்கிய நண்டு !

 மகேந்திரன் இயக்கிய அருமையான திரைப்படங்களில் ஒன்று நண்டு. திரைப்படத்தில் சுரேஷ் அஸ்வினி நடித்திருந்தனர் சுரேஷ் என்பவர் புதுமுகம். உத்திரபிரதேசம் மாநிலத்தைச் சேர்ந்த கதாநாயகன் சுரேஷ் ஒரு பொறியாளர். தாய் மீது மிகுந்த பாசம் கொண்டார் ஆனால் தந்தையின் போக்கு அவருக்கு பிடிக்கவில்லை அவர் ஒரு பெண்ணை திருமணம் செய்து கொள்ள வற்புறுத்துகிறார். அதனால் சென்னைக்கு வருகிறார் சுரேஷ். சுரேஷ் ஒரு ஆஸ்துமா நோயாளி வேறு. சுரேஷ் இங்கு வந்த பிறகு அஸ்வினியுடன் பழக்கம் ஏற்படுகிறது அதன் நட்பாகி திருமணத்தில் முடிகிறது. இந்த நேரத்தில் சுரேஷுக்கு ஆஸ்துமா நோயின் வீரியம் அதிகமாகிறது இதனால் என்னென்ன துன்பங்கள் ஏற்படுகிறது என்பதுதான் கதை.

மிக அழுத்தமான சம்பவங்களுடன் சுவாரஸ்யமாக இப்படத்தை இயக்கியிருந்தார் இயக்குனர் மகேந்திரன்.

படத்தின் பல காட்சிகள் மக்களுக்கு கண்ணீரை வரவழைத்தது. இளையராஜா இசையில் மஞ்சள் வெயில் என்ற பாடலும், அள்ளித்தந்த பூமி அன்னையல்லவா பாடலும், கேய் சகுன் குச் கெகன சகுன் என்ற இந்தி பாடல் மிகவும் அழகாக அருமையாக இருந்தது.

.இப்பாடலை பிபி ஸ்ரீனிவாஸ் எழுதியிருந்தார் தமிழில் வந்த இனிய இந்தி பாடல் இது. படமும் ரசிகர்களால் மறக்க முடியாத படம்.அசோக்குமார் ஒளிப்பதிவு செய்திருந்தார் 1981 ஏப்ரல் தமிழ் புத்தாண்டுக்கு வெளிவருவதாக இருந்து மூன்று நாட்கள் கழித்து வெளியான திரைப்படம் இது.

ஸ்ரீதர் - எம்.எஸ்.வி. - பட்டுக்கோட்டையார் ! மாடர்ன் தியேட்டர்ஸ் !

 மாடர்ன் தியேட்டர்ஸ் சுந்தரம் கெடுபிடிகளுக்குப் பேர் போனவர். லண்டனில் படித்தவர். அவரது இருக்கைக்குப் பின்னால் சாட்டை தொங்கும். அவருக்கு எதிரே அமர்ந்து பேச இருக்கைகள் இருக்காது. எதிரே யாரையாவது உட்கார வைத்துப் பேசினால் நேரம் கெடும் என்பதால் யாரையும் அவர் உட்கார அனுமதிப்பதில்லை,

அப்புறம் மாடர்ன் தியேட்டர்ஸ் நிறுவனத்துக்கு எழுதும் கதை வசனத்தில் ஒரு வரியை மாற்ற வேண்டும் என்றாலும்கூட வசனம் எழுதுபவரை சேலத்துக்கு ரயில்மூலம் வரவழைப்பார். கதாசிரியர் நேரில் வந்துதான் வசனத்தை மாற்ற வேண்டும். தொலைபேசியில் பேசி மாற்றுகிற கதை எல்லாம் இல்லை. மாடர்ன் தியேட்டர்ஸ் சுந்தரத்திடம் ஒரு மகத்தான நூலகம் இருந்தது. அத்தனையும் திரைப்படத் தொழில்நுட்பம் தொடர்பான ஆங்கிலப் புத்தகங்கள்.

ஒருநாள் சேலம் மாடர்ன் தியேட்டர்ஸ்சில் இருந்து ஸ்ரீதருக்கு அழைப்பு வந்தது. ஸ்ரீதர் அப்போது இயக்குநர் இல்லை. அவர் ஒரு கதாசிரியர். கதை வசனம் எழுதுபவர். பல திரைப்படங்களுக்கு அவர் கதை வசனம் எழுதி இருந்தார். ஸ்ரீதர், சேலத்துக்குக் கிளம்பிப்போனார். பின்னர் சுந்தரத்தை சந்தித்தார். .

‘படத்துக்கு வசனம் எழுத எவ்வளவு எதிர் பார்க்கிறீங்க?’ என்றார் சுந்தரம்.

‘வழக்கமா 3000 ரூபாய் வாங்குவேன். மாடர்ன் தியேட்டர்ஸ் பெரிய நிறுவனம் என்பதால் 4 ஆயிரத்தை எதிர்பார்க்கிறேன்’ என்றார் ஸ்ரீதர்.

‘அதெல்லாம் இல்லை. 2 ஆயிரம் ரூபாய்தான் தர முடியும். விருப்பம் இருந்தால் எழுதுங்கள். இல்லாவிட்டால் கிளம்புங்கள்’ என்று சொல்லிவிட்டார் சுந்தரம்.

முகத்தில் அடித்த மாதிரியான பளார் பதில் அது. ஸ்ரீதர் யோசிக்கவில்லை. ‘சரி’ என்று அதற்கு ஒப்புக்கொண்டார். காரணம், மாடர்ன் தியேட்டர்ஸ் எடுக்கும் திரைப்படத்துக்கு வசனம் எழுத ஸ்ரீதர் எவ்வளவு பணம் வாங்கினார் என்பது வெளியில் யாருக்கும் தெரியாது. ஆனால் மாடர்ன் தியேட்டர்ஸ்சுக்கு அவர் கதை வசனம் எழுதுகிறார் என்பது வெளியில் எல்லோருக்குமே தெரிய வரும். அதை வைத்தே, மற்ற திரைப்பட நிறுவனங்களில் ஸ்ரீதர் 5 ஆயிரம் ரூபாய் கூட இனி வாங்க முடியும்’

அதேப்போல வசனத்தை மாற்ற, தன்னை சேலத்துக்குக் கூப்பிடும்போதெல்லாம் மாடர்ன் தியேட்டர்ஸ் சுந்தரத்தின் நூலகத்தில் திரைப்பட நுட்பங்கள் தொடர்பான நூல்களை வாசிக்க முடியும். இதனால்தான் மாடர்ன் தியேட்டர்ஸ்சுக்கு கதை வசனம் எழுத உடனே ஒப்புக் கொண்டார் ஸ்ரீதர். - இது ஸ்ரீதர் பாணி....

இது இப்படி இருக்க, ஒருநாள் பாடலாசிரியர் பட்டுக்கோட்டை கல்யாணசுந்தரத்தை, ‘சான்ஸ் வாங்கித் தர்றேன் வா’ என்று மாடர்ன் தியேட்டர்ஸ் சுந்தரத்திடம் அழைத்துப் போனார் எம்.எஸ்.விஸ்வநாதன்.

சுந்தரத்தின் முன்னிலையில் வழக்கம் போல நாற்காலிகள் இல்லை. ‘இவர் சிறப்பான கவிஞர். மாடர்ன் தியேட்டர்ஸ் திரைப்படங்களுக்கு பாடல் எழுத இவரைப்பயன்படுத்தலாம்’ என்று எம்.எஸ்.வி. சொல்ல, ‘எதையாவது எழுதிக்காட்டுங்களேன்’ என்றார் சுந்தரம்.

நின்று கொண்டேதான் எழுத வேண்டும். ஒரு காகிதமும், பேடும் வந்து சேர்ந்தது.

பட்டுக் கோட்டையார் இரண்டு வரிகள் எழுதி சுந்தரத்திடம் நீட்டினார். அதைப்பார்த்த மறுகணமே 2 நாற்காலிகளைக் கொண்டுவரச் சொல்லி அவர்களை உட்காரவைத்தார் சுந்தரம். பிறகு, ‘வாய்ப்பு வரும்போது சொல்லி அனுப்புகிறேன்’ என்று அவர்களை அனுப்பிவைத்தார்.

வெளியே வந்ததும் எம்.எஸ்.வி. பட்டுக்கோட்டையாரிடம் ஆச்சரியத்துடன் கேட்டார். ‘சுந்தரம் நாற்காலி போடச் சொல்லுற அளவுக்கு அப்படி என்னய்யா எழுதினே?’

‘ஒரு மண்ணாங்கட்டியும் எழுதவில்லை. முதலில் உட்கார 2 நாற்காலிகளைப் போடவும்னு எழுதினேன்’ என்றார் பட்டுக்கோட்டை கல்யாணசுந்தரம்... இது பட்டுக்கோட்டை பாணி...

மலேசியா வாசுதேவன் !

 மலேசியா  வாசுதேவன்!

எஸ்பிபியின் நிழலில் மனோவும், யேசுதாஸின் நிழலில் ஜெயச்சந்திரனும் மறைக்கப்பட்டிருந்தாலும், யாராலும் மறைக்க முடியாத தனித்துவமான குரல் மலேசியா வாசுதேவனுடையது, ஆனால் அந்தந்த நேரத்தில் அவர் புகழுக்கேற்றபடி கொண்டாடப்பட்டாரா என்றால் இல்லை.

இன்று 2கே கிட்ஸ் கொண்டாடிய அளவுக்கு 'பேர் வச்சாலும்…' பாடலை வேறு யாரும் கொண்டாடிவிடவில்லை. ஆனாலும் அவருடைய குரலின் அத்தனை கோணங்களையும் தமிழ் மக்கள் கண்டனர் என்றுதான் கூறவேண்டும்,

அவர் கவனிக்கப்படாமல் போனவர் அல்ல! அவருடைய சிறப்பம்சமே அவர் குரலில் ததும்பும் கொண்டாட்ட தொனி தான். அதற்காகவே எண்ணற்ற குத்துப்பாடல்கள், கொண்டாட்டப் பாடல்கள், பக்திப்பாடல்களை பாடவைத்து ரசித்திருக்கிறது தமிழ் சமூகம்.

"நெஞ்சுக்குள் அச்சம் இல்லை

யாருக்கும் பயமும் இல்லை

வாராதோ வெற்றி நிச்சயம்…"

என அவர் பாட அதை கேட்கும்போதே நெஞ்சுக்குள் வீரம் பொங்கி, முரட்டுக்காளை ரஜினியாக மாறும் வல்லமை கொண்டது அவர் குரல்.

இது மட்டுமல்ல, ஆசை நூறுவகை, சிங்கமொன்று புறப்பட்டதே போன்ற பல மாஸ் பாடல்கள் ரஜினி திரைப்படங்களில் பாடியுள்ளார். இப்படி தமிழில் கிட்டத்தட்ட 8,000 பாடல்களுக்கு மேல் பாடிய இவரது குரல் ஒலிக்காத விசேஷங்கள் இன்றும் இல்லை அன்றும் இல்லை.

ஏன் இவர் குரல் அவ்வளவு தனித்துவம் உடையது என்றால், யேசுதாஸ், எஸ்பிபி போன்ற வளைவான குரல் அல்ல இவருடையது. நாமோ, நம் தந்தையோ பாடினால் யதார்த்தமாக வரும் குரல் என்பதாலேயே இதயத்துடன் அவ்வளவு நெருங்கி வருகிறார்.

இது இளையராஜாவுக்கும் தெரியும். 'பூவே இளைய பூவே' பாடலின் இன்டர்லூடில் இளையராஜா தனது ராஜ்யத்தை நடத்திக் கொண்டிருப்பார், சரணம் வந்ததும் எல்லாவற்றையும் முடிப்பார், வாசுதேவனின் குரல் மட்டும் மேலோங்கும்.

'குழல் வளர்ந்து அலையானதே

இரவுகளின் இழையானதே

விழியிரண்டு கடலானதே

எனது மனம் படகானதே…'

என அந்த வரிகளில் அவர் குரலுக்காகவே உருகியவர்கள் பலர்.

மலேசியா வாசுதேவன் என்றாலே, மாரியம்மா மாரியம்மா, தண்ணி கருத்துருச்சு, காதல் வைபோகமே, ஊரு விட்டு ஊரு வந்து போன்ற குத்துப்பாடல்கள், பக்திப் பாடல்கள்

பலருக்கு நியாபகம் வரலாம். ஆனால் பல உள்ளம் நெகிழவைக்கும் குரலை பல மெலடி பாடல்களுக்கும், சோகப்பாடல்களுக்கும் கொடுத்தவர்தான் வாசுதேவன்.

முதல் மரியாதை திரைப்படத்தில், 'பூங்காற்று திரும்புமா', 'வெட்டிவேரு வாசம்', தர்ம யுத்தம் திரைப்படத்தில் 'ஒரு தங்க ரத்தத்தில்', விடியும் வரை காத்திரு திரைப்படத்தின், 'நீங்காத எண்ணம் ஒன்று', தூறல் நின்னு போச்சு திரைப்படத்தின், 'தங்கச்சங்கிலி மின்னும் பைங்கிளி', நிறம் மாறாத பூக்கள் திரைப்படத்தின், 'ஆயிரம் மலர்களே', கிழக்கே போகும் ரயிலின் 'கோவில் மணி ஓசை தன்னை' போன்ற பல உருகவைக்கும் பாடல்களை பாடியுள்ளார். அதில் அவர் குரலே ஓங்கி நிற்கும் என்பதுதான் தனிச்சிறப்பு.

1985இல் சின்ன வீடு என்ற பாக்யராஜ் திரைப்படத்திற்கும், முதல் மரியாதை திரைப்படத்திற்கு இசையமைக்கிறார் இளையராஜா. இரண்டிலும் கிட்டத்தட்ட ஒரே சிச்சுவேஷன், ஆனால் முற்றிலும் வேறு வேறு ஸீன். பாக்யராஜ் தன் மனைவியை விட்டு வேறு பெண் மீது மையல் கொள்வதையும், சிவாஜி பாடும் பாட்டிற்கு ராதா எசப்பாட்டு பாடும் முதல் பாடலும்தான் அது. இரண்டிற்கும் இசை அளவில் அவரால் முடிந்த வேறுபாட்டை இளையராஜா கொடுத்தார் ஆனால் இரண்டு பாடலுக்கும் அடிநாதம் 'என்டர் இன்டு தி நியூ லைஃப்' எனப்படும் ஒரு 200 வருட பழைய சிம்ஃபனி தான். இருவருமே புதிய ஒரு வாழ்க்கைக்குள் செல்வதால், 'ஏ குருவி, சிட்டுக்குருவி' பாடலிலும், 'சிட்டுக்குருவி வெட்கப்படுது' பாடலிலும் வேண்டுமென்றே பயன்படுத்தினார் இளையராஜா.

ஆனால் அந்த இரு பாடல்களும் ஒன்றென தெரியாததற்கு பெரும் காரணம் வாசுதேவனின் தனித்துவமான குரல், மற்றொன்றை எஸ்பிபி பாடினார். இந்த வேறுபாட்டை கொடுக்க அப்போது இளையராஜாவுக்கு இருந்த ஒரே துருப்புச்சீட்டு வாசுதேவன் தான்.

அந்த வேறுபாட்டை பெரிதும் ரசித்தவரும் கூட என்று சொல்லலாம். 'ஏ ராசாத்தி', என்ற பாடல் அந்த காலத்தில் கிட்டத்தட்ட ஒரு 'ஆக்கப்பெல்லா' தான். அவ்வளவு வித்யாசமாக வாசுதேவன் குரலை பயன்படுத்தி இருப்பார் இளையராஜா. வாசுதேவன் அவரால் முடிந்த அளவிற்கு எல்லா கோணங்களையும் அந்த பாடலில் கொடுத்திருப்பார். அதே போல அவரது குரலின் முற்றிலும் வேறு கோணத்தை எடுத்தது 'ஆட்டுக்குட்டி முட்டையிட்டு பாடல்'. கிட்டத்தட்ட மிமிக்ரி செய்து பாடியது போலவே இருக்கும், அந்த பாடலில் சப்பாணி கதாபாத்திரத்திற்கு அவ்வளவு பொருத்தமான குரலை வேறு யாராலும் தந்திருக்க முடியாது. முக்கியமாக இரண்டு ஹீரோக்கள் இணைந்து பாடும் பாடல்களுக்கு பெரிதும் இளையராஜா விரும்புவது வாசுதேவனை தான்.என்னம்மா கண்ணு சவுக்யமா பாடலாகட்டும், தென்மதுரை வைகை நதி பாடலாகட்டும். ரஜினிக்கு எஸ்பிபி வாய்ஸ் என்றால், அடுத்து இருப்பவருக்கு மலேசியா வாசுதேவன் என்பது இளையராஜா வைத்திருந்த எழுதப்படாத விதி.

படித்ததில் பிடித்தது - - - - - - -