பன்முக திறமை கொண்ட நடிகை சாவித்திரி !

 

நடிகையர் திலகம் சாவித்திரி இயக்கி நடித்த பிராப்தம் திரைப்படம்…

தமிழ் திரையுலகில் நடிகையர் திலகம் என்ற அந்தஸ்தை பெற்ற அற்புதமான அழகான நடிகை தான் நடிகையர் திலகம் சாவித்திரி.

பன்முக திறமை கொண்ட நடிகை சாவித்திரி தான் படங்களில் நடித்ததோடு நின்று விடாமல் படத் தயாரிப்பிலும் இயக்கத்திலும் அப்போதே கவனத்தை செலுத்திய நடிகை.

அந்த வகையில் இவர் நடிகர் திலகத்தை வைத்து ஒரு திரைப்படத்தை இயக்க வேண்டும் என்ற ஆசை இருந்ததின் காரணத்தால் அதற்கான ஏற்பாடுகளில் ஈடுபட்டு பிராப்தம் என்ற பெயரில் திரைப்படத்தை இயக்கி நடித்தார்.

நடிகர் திலகம் மற்றும் நடிகையர் திலகம் இணைந்து நடித்த பாசமலர் திரைப்படம் திரை உலகில் அண்ணன் தங்கை பற்றிய உறவின் முக்கியத்துவத்தையும் பாசத்தையும் மக்களுக்கு பறைசாற்றியது.

மேலும் நடிகையர் திலகத்தை சாவித்திரி என்று அழைத்தவர்களை விட சிவாஜியின் தங்கை என்று நினைத்து வந்தவர்களே அதிகமான அதிகம் என்று கூறும் அளவுக்கு இந்த படம் இருவருக்கும் மிக நல்ல பெயரை பெற்று தந்தது.

1964 ஆம் ஆண்டு ‘மூக மனசுலு” என்ற தெலுங்கு திரைப்படத்தில் நடித்தார் சாவித்திரி. இத்திரைப்படம் மாபெரும் வெற்றி பெற்றது. இத்திரைப்படத்தை “பிராப்தம்” என்ற பெயரில் தமிழில் தயாரித்து இயக்க முடிவு செய்தார் சாவித்திரி

ஆனால் சாவித்திரியின் கணவரான ஜெமினி கணேசனுக்கு இதில் விருப்பம் இல்லாமல் போனது.

இந்த நிகழ்வை குறித்து தயாரிப்பாளர் சித்ரா லட்சுமணன் கூறியபோது “சாவித்திரி என்ற அற்புதமான நடிகையின் வாழ்க்கையில் மிகப்பெரிய புயல் வீச காரணமாக இருந்தது இருந்தது பிராப்தம் என்ற திரைப்படதான்” என இத்தகவலை பகிர்ந்து கொண்டார்.

ஒரு வேளை “பிராப்தம்” திரைப்படத்தை அவர் உருவாக்கவில்லை என்றால் சாவித்திரியின் வாழ்க்கையே வேறு மாதிரியாக இருந்துருக்குமோ?

971ல் வெளிவந்த இந்தப் படத்தில் சிவாஜி கணேசன், சாவித்திரி, நம்பியார், நாகேஷ் மற்றும் எஸ் வி ரங்கராவ் என பல முன்னணி நட்சத்திரங்கள் இணைந்து நடித்திருந்தனர்.

எம் எஸ் விஸ்வநாதன் இசையில் இந்த படத்தில் நல்ல பாடல்கள் இடம்பெற்றிருந்தது. சொந்தம் எப்போதும் தொடர்கதை தான், சந்தனத்திலே நல்ல வாசம் எடுத்து, நேத்து பறித்த ரோஜா போன்ற இனிமையான பாடல்கள் இடம் பெற்று இன்றளவும் ரசிகர்களால் கொண்டாடப்படுகிறது.

சாவித்திரியின் இரண்டாவது முறையாக தயாரித்து இயக்கிய இந்த திரைப்படம் 50 நாட்கள் வரை ஓடிய சுமாரான வெற்றி படமாக அமைந்திருந்தது.

இந்த திரைப்படத்தை தயாரிப்பதற்காக நடிகை சாவித்திரி தன்னுடைய மூன்று சொந்த வீட்டை அடமானம் வைத்து படத்திற்காக செலவு செய்திருந்தார்.

ஆனால் படம் எதிர்பார்த்த அளவு வெற்றி பெறாததால் மிகவும் வருத்தத்திற்கு உள்ளானார் சாவித்திரி.

இந்த படம் தயாரிப்பதற்கு முன்னதாகவே ஜெமினி கணேசன் சாவித்திரியிடம் இந்த படத்தை எடுக்க வேண்டாம் எடுத்தால் இந்த படம் ஓடாது என்று எச்சரித்துள்ளார்.

ஆனால் அதையும் மீறி இந்த படத்தை சாவித்திரி தயாரித்து இயக்கினார். அதன் பின் இந்த திரைப்படம் வெளியாகி மிகப்பெரிய நஷ்டத்தை அடைந்தது. இந்த படத்தை தொடர்ந்து நடிகை சாவித்திரியும் ஜெமினி கணேசனும் பிரிந்து விட்டனர்.

இறுதியாக நடிகை சாவித்திரி இயக்கிய குழந்தை உள்ளம், பிராப்தம் ஆகிய இரண்டு படங்களும் தோல்வி அடைந்த படங்களாக அமைந்துவிட்டன. இதில் மனம் உடைந்து சாவித்திரி குடிப்பழக்கத்திற்கு அடிமையானதாக கூறப்படுகிறது.

அதற்குப் பிறகு சில படங்களில் நடித்து வந்த சாவித்திரிக்கு தன்னுடைய 45 வது வயதிலே நீரழிவு மற்றும் ரத்த அழுத்த நோயினால் பாதிக்கப்பட்டார்.

ஒரு நாள் படப்பிடிப்பின் பொழுது திடீரென மயங்கி விழுந்த சாவித்திரி கோமாவிற்கு சென்றார். அடுத்து 19 மாதங்களுக்கு மேலாக கோமா எனும் ஆழ் மயக்கத்தில் இருந்த சாவித்திரி அதன் பின் குறைந்த வயதிலேயே மரணம் அடைந்து விட்டார்.